Անհայտ անձինք ռուս հայտնի մոդել Իրինա Շեյկին, ով միաժամանակ հանդիսանում է Մադրիդի «Ռեալ»-ի ու Պորտուգալիայի ազգային հավաքականի հարձակվող Քրիշտիանու Ռոնալդուի ընկերուհին, սպառնացել են երևան հանել նրա ու պորտուգալացի աստղային ֆուտբոլիստի մասնակցությամբ ինտիմ տեսանյութը:
Ինչպես տեղեկացնում է lifenews-ը, 26-ամյա սուպերմոդել Իրինան հայտնվել է սեքս-սկանդալի կենտրոնում. վերոնշյալ տեսագրությունը, որում Ռոնալդուն ու Շեյկը սիրով են զբաղվում, սպառնում են հրապարակել երկու անհայտ անձինք:
Հատկանշական է, հանցագործները ներխուժել են մարզիկի բնակարան ու գողություն կատարել՝ տանելով զարդեր, փաստաթղթեր, անգամ կոշիկ:
Հաղորդման համաձայն՝ հենց այդ ժամանակ էլ կորել է Ռոնալդուի ու Շեյկի սեռական հարաբերության տեսագրությունը:
Գողությունից շուրջ մեկ շաբաթ անց հանցագործներն էլփոստի միջոցով սպառնացել են զույգին հրապարակել տեսագրությունը: Նրանք այժմ փորձում են հնարավորինս բարձր գին ստանալ խտասկավառակի դիմաց:
Այս պահին աստղային զույգը շարունակում է բանակցել գողերի հետ՝ փորձելով ամեն կերպ կանխել տեսագրության հնարավոր տարածումը:
