AP-ի հաղորդմամբ օրերս 4 զինված կողոպտիչներ ներխուժել են ֆրանսիական «Մարսել»-ի և Արգենտինայի հավաքականի ֆուտբոլիստ Լուչո Գոնսալեսի տուն և ատրճանակի սպառնալիքով արգենտինացուց ու նրա կնոջից պահանջել բոլոր կրեդիտ քարտերն ու թանկարժեք իրերը:
Բացի այս ամենը, Լուչոն զրկվել է նաև իր «Բենթլի» ավտոմեքենայից: Բարեբախտաբար Գոնսալեսներին ոչ մի մարմնական վնաս չի հասցվել, իսկ նրանց երեխան չի արթնացել:
«Նրանք շոկի մեջ են: Դա շատ լուրջ հոգեբանական հարված էր: Ցավոք, սա առաջին նմանատիպ դեպքը չէ. «Մարսել»-ի ֆուտբոլիստներն ավելի ու ավելի հաճախ են կողոպտիչների զոհ դառնում», – «Մարսել»-ի գլխավոր մարզիչ Դիդիե Դեշամի խոսքերն է մեջբերում AP-ը:
Կատարված դեպքից հետո «Մարսել»-ի ավագի մասնակցությունն այսօր կայանալիք «ՊՍԺ»-ի հետ կարևոր հանդիպամանը կասկածի տակ է: