Կատալոնական «Բարսելոնա»-ի նախկին գլխավոր մարզիչ Խերարդո Մարտինոն հրաժեշտ է տվել թիմի ֆուտբոլիստներին: Այս մասին գրում է Sport.es-ը:
Արգենտինացի մասնագետը Լա Լիգայի 38-րդ տուրում կայացած «Ատլետիկո»-ի դեմ մրցավեճից հետո հայտարարել էր, որ լքում է ակումբը:
«Ինձ համար պատիվ էր աշխատել ձեզ հետ: Հանգստություն պահպանեք, քանի որ դուք կրկին կսկսեք հաղթել»,- ֆուտբոլիստների հետ հանդիպմանն ասել է Մարտինոն:
Նշենք, որ «Բարսելոնա»-ի ղեկավարությունն արդեն կողմնորոշվել է նոր մարզչի հարցում: Հուլիսի 7-ից թիմի ղեկը կստանձնի Լուիս Էնրիկեն, ով գլխավորում էր «Սելտա»-ն:
