Դանիայի ազգային հավաքականի հարձակվող Նիկլաս Բենդտները, որն այս մրցաշրջանը վարձակալական հիմունքներով անցկացնում է իտալական «Յուվենթուս»-ի կազմում, մտադիր է շատ գոլեր խփել:
«Իմ առաջին զգացողությունն այն էր, որ ես պայմանագիր եմ ստորագրել Իտալիայի լավագույն ակումբի հետ: Ճիշտ ժամանակին տեղափոխվեցի: Նախկինում բախտ եմ ունեցել իտալական ակումբների հետ խաղալու. նրանք բոլորն էլ շատ մարտունակ են:
Մեծ խանդավառություն եմ բերել թիմին, մեծ ցանկություններ և մեծ սիրտ: Շատ եմ ուզում հաջողություն բերել «Յուվենթուս»-ին: Գիտեմ՝ ինչպես էր խաղում Անտոնիո Կոնտեն. ֆանտաստիկ ֆուտբոլիստ էր, իսկ հիմա՝ նույնպիսի մարզիչ:
Մեծ պատիվ է ինձ համար լինել այստեղ: Հպարտ եմ, որ կրում եմ «Յուվենթուս»-ի սև-սիպտակ մարզաշապիկը: Ամեն ինչ կանեմ՝ շատ գոլեր խփելու համար»,- ասել է Բենդտները:
