Առաջին իսկ ռաունդում Արթուրը փորձում է առավելություն ստանալ: Նպատակակետին հասան Աբրահամի` միջին տարածությունից կատարած մի քանի հարվածներ: Շտիգլիցն ակտիվ էր, փորձում էր ակտիվ տեղաշարժի արդյունքում դիրք շահել, սակայն մեր բռնցքամարտիկն աչալուրջ էր: Առաջին ռաունդն ավարտվեց Արթուրի փոքր առավելությամբ:
Երկրորդ ռաունդը մեկնարկեց Շտիգլիցի առավելությամբ: Աշխարհի չեմպիոնը գոնգից անմիջապես հետո նետվեց առաջ և մերձամարտի արդյունքում դիպուկ հարվածաշար անցկացրեց:
Ռաունդի միջնամասում Արթուրի հակառակորդը նահանջեց և միջին տարածությունից մի քանի հարվածներ հասցրեց նպատակակետին: Աբրահամը նույնպես պասիվ չէր և փորձում էր ետ չմնալ իր հակառակորդից, բայց ստիպած ենք փաստել, որ երկրորդ ռաունդում Ռոբերտը մեծ առավելություն ուներ:
