Էդուարդ Կրավցովը՝ հայազգի բռնցքամարտիկ, Ռուսաստանի հավաքականը ներկայացնող, 52 կգ քաշային կարգում հանդես եկող Միշա Ալոյանի մարզիչը, մեկնաբանեց բռնցքամարտիկի առաջիկա հանդիպումը Լոնդոն-2012 Օլիմպիական խաղերի շրջանակներում: Ալոյանն այսօր՝ օգոստոսի 3-ին, ռինգում հանդիպելու է Ալժիրի ներկայացուցիչ Սամիր Բահիմիին:
«Նախկինում մենք հանդիպել են Բահիմիին ու հաղթել: Մենք նայել ենք նրա առաջին մենամարտն Օլիմպիական խաղերում. նա անում է նույն բանը, ինչ որոշ ժամանակ առաջ: Տեսանք, թե նա ինչպես է մենամարտում ու մշակեցինք ծրագիր: Եթե Ալոյանն անի այնպես, ինչպես ծրագրել ենք, ապա կհաղթի:
Ալժիրցին երբեմն ցուցադրում է բավականին կեղտոտ բռնցքամարտ: Միշայի համար շատ կարևոր է զերծ մնալ նրա սադրանքներից: Նա պետք է թելադրի մրցակցին իր խաղը, պայքարի ու հասնի հաղթանակի»,- ասել է Կրավցովը: