Մարմնամարզության միջազգային ֆեդերացիայի գլխավոր քարտուղար Անրեյ Գայսբյուլերը բավարարեց ճապոնական կողմի բողոքը՝ մարմնամարզիկ Կոհեյու Ուչիմուրեի միավորներին գումարելով ևս 0,7-ըʽ նժույգի վրա կատարած վարժության համար: Արդյունքում, Ճապոնիայի հավաքականը չորրորդ տեղից բարձրացավ երկրորդ հորիզոնական՝ նվաճելով արծաթե մեդալը:
«Ոչ ոք անձեռնմխելի չէ. բոլորն էլ կարող են սխալներ անել: Ֆուտբոլում, օրինակ, նման շտկումներ չեն արվում: Առաջին անգամ է, որ նման ուղղումից հետո թիմը մեդալակիր է դառնում: Այնուամենայնիվ, կարծում եմ, որ ներկայիս համակարգը լավն է»,- գերմանական մամուլի հաղորդմամբ՝ ասել է Գայսբյուլերը:
Նշենք, որ 0,7 միավոր բարձրացվել է միայն տասն անգամ կրկնապատկերը դիտելուց հետո: