Մադրիդի «Ռեալ»-ի պաշտպան Սերխիո Ռամոսը հայտնել է, թե ինչ սպասելիքներ ունի Չեմպիոնների լիգայի գավաթի խաղարկության եզրափակչի «Ատլետիկո»-ի դեմ խաղից և նշել, թե որքան կարևոր նշանակություն ունի «արքայական ակումբ»-ի համար հարձակվող Քրիշտիանու Ռոնալդուն:
«Մենք հիանալի գիտենք, թե ինչի է ընդունակ «Ատլետիկո»-ն: Այն արժանի է լինել եզրափակիչում: Մեր մրցակիցները հիանալի մարզավիճակում են: Կարծում եմ` մեզ բարդ խաղ է սպասվում: Պետք է կենտրոնացած լինենք, քանի որ եզրափակիչում վճռորոշ են դառնում անգամ ամենափոքր դետալները: Հաղթում է այն թիմը, որն ավելի քիչ է սխալվում:
Ասեմ, որ դժվար է պատկերացնել «Ռեալ»-ն առանց Ռոնալդուի: Նա բազմաթիվ գոլեր է խփում թիմի կազմում: Քրիշտիանուին հաջողվում է պահպանել մակարդակը: Ակումբը մեծ հույսեր է կապում նրա հետ: Շքեղություն է Ռոնալդուի` այստեղ գտնվելը»,- ՈւԵՖԱ-ի պաշտոնական կայքը մեջբերում է Ռամոսի խոսքերը: