Հարձակվող Դիդիե Դրոգբան, ում պայմանագրի ժամկետը Լոնդոնի «Չելսի»-ի հետ ավարտվում է, հայտարարել է, որ հանդես չի գա անգլիական այլ ակումբում և կարող է ԱՄՆ տեղափոխվել: 37-ամյա հարձակվողը լոնդոնյան ակումբի կազմում իր վերջին խաղն անցկացրեց կիրակի` մայիսի 24-ին` խաղադաշտ դուրս գալով ավագի թևկապով:
«Անգլիայում բազմաթիվ հզոր ակումբ կան, բայց ես անչափ շատ եմ սիրում «Չելսի»-ն և չեմ կարող անգլիական որևէ այլ ակումբ տեղափոխվել: Երբ հայտարարեցի, որ հեռանալու եմ լոնդոնյան ակումբից, բազմաթիվ զանգեր ստացա այլ ակումբներից: Դա ապացուցում է, որ ես դեռ կարող եմ օգուտ բերել:
Իհարկե, ինձ հետաքրքրում է ԱՄՆ տեղափոխության տարբերակը: Փոքրիկ դադար կտամ` ամեն ինչ կշռադատելու համար: Բայց իմ միակ ցանկությունն է ֆուտբոլ խաղալ»,-Independent-ը մեջբերում է Դրոգբայի խոսքերը:
