WBO վարկածով սուպերմիջին քաշային կարգում աշխարհի չեմպիոն Արթուր Աբրահամը (41-4), ով սեպտեմբերի 27-ին է պաշտպանել տիտղոսը` պարտության մատնելով բրիտանացի Փոլ Սմիթին, ժամանկել է Հայաստան: Արթուրն այսօր մամլո ասուլիս է տվել:
«Իհարկե հաղթեցի, բայց Փոլ Սմիթը շատ ուժեղ հարվածներ էր հասցնում: Ինչպես ծրագրել էինք, մարտն այդպես էլ վարեցինք: Գոհ չեմ, քանի որ միշտ ավելին եմ ցանկանում: Մարզիչս շատ ավելի գոհ էր, քան ես: Կուզեի կրկին մենամարտել, բայց այդ հարցով պետք է պրոմոութերները զբաղվեն:
Հայաստանի բռնցքամարտը միշտ լավ մակարդակի է եղել: Հուսով եմ՝ մեդալներ կունենանք աշխարհի առաջնություններում ու օլիմպիադայում: Շտիգլից – Շտուրմ մենամարտի հաղթողի հետ մենամարտելու ցանկություն կա: Պատրաստ եմ մենամարտել թե՛ հաղթողի, թե՛ պարտվողի հետ: Ինչ վերաբերում է տեսակրկնություններին, չեմ կարծում, որ դա արդյունավետ կլինի բռնցքամարտում:
Ուորդը հաղթեց ինձ, կապ չունի, նրա հետ մենամարտն ԱՄՆ-ում էր, թե Եվրոպայում: Նա ուժեր էր, և պետք է խոստովանել դա: Ձեռքի վնասվածք չունեմ, 3 ամիս ապաքինումից հետո արդեն ամեն ինչ կարգին է:
Հաջորդ մենամարտը կկայանա, հավանաբար, հունվարի վերջին: Եթե երկրպագուները ցանկանան, պատրաստ եմ մենամարտել Փոլ Սմիթի հետ:
Ունեմ նշանաբան՝ չխաբել ու չդավաճանել: Կոնկրետ օրը չգիտեմ, բայց պատրաստվում եմ ամուսնության: Բան չմնաց (ժպտում է): Հայաստանի հետ կապված ամեն ինչն ինձ դուր է գալիս: Լսում եմ երկու հոգու՝ եղբորս ու մարզչիս»:
Լուսանկարը՝ Mediamax-ի
