Ըմբշամարտի հանրապետական ֆեդերացիայի նիստերի դահլիճում ազատ և հունահռոմեկան ոճի ըմբշամարտի հավաքականների մարզիչներԱրայիկ Բաղդադյանն ու Լևոն Ջուլֆալակյանը հանդիպեցին լրագրողներին: Նրանք խոսեցին սեպտեմբերի սկզբին Տաշքենդում կայանալիք աշխարհի առաջնության նախապատրաստական փուլերի մասին և հայտնեցին Տաշքենդ մեկնողների կազմերը:
Արայիկ Բաղդադյանը մասնավորապես նշեց, որ վերջին հավաքը, որ Ռուսաստանի հավաքականի հետ համատեղ անցկացրել են Կիսլովոդսկում, շատ արդյունավետ է եղել: Նա նշեց նաև, որ աշխարհի առաջնությունից առաջ ևս մեկ հավաք էլ կանցկացնեն Տաշքենդում: Հավաքականի գլխավոր մարզիչը նշեց նաև, որ այս անգամ 5 հոգով են մասնակցելու աշխարհի առաջնության:
«Տաշքենդի աշխարհի առաջնությունը քանի որ օլիմպիական վարկանիշային չէ, ապա մրցավայր ենք տանում այն ըմբիշներին, որոնք կարող են պայքարել մեդալների համար: 5 ըմբիշներն են՝ Գարիկ Բարսեղյանը (57կգ), Վոլոդյա Ֆրանգուլյանը (61), Դավիթ Սաֆարյանը (65), Գրիգոր Գրիգորյանը (70) և Մուսա Մուրթազալիևը (84)»,-ասաց Արայիկ Բաղդադյանը:
Հայաստանի ըմբշամարտի ֆեդերացիա
