Չինական լրատվամիջոցները հաղորդում են, որ երկրի Օլիմպիական ուղեգիր ստացած մարզիկները և մարզուհիներն այլևս չեն օգտագործի միս, քանզի նրանով կարող են արյան մեջ տեղափոխվել այնպիսի նյութեր, որոնք հետագայում հիմք կհանդիսանան դոպինգ ստուգման ժամանակ դրական արդյունքի:
Խոսքը գառան, խոզի և տավարի մսի մասին է: Դրանց փոխարեն անհրաժեշտ սպիտակուցները մարզիկները կստանան՝ սնվելով պրոտեինային հավելումներով և ձկան մսով:
Այս իրարանցումը սկսվեց այն ժամանակ, երբ հայտնի դարձավ, որ խոզերի աճեցման և բուծման ժամանակ նրանց տրվող կերակուրը հիմք է հանդիսանում կենդանու օրգանիզմում կլենբուտերոլի հավաքման, որը հետագայում անցնելով մարդու օրգանիզմ՝ հիմք է հանդիսանում դոպինգ ստուգաման դրական արդյունքին:
Հիշեցնենք, որ Լոնդոնի Օլիմպիական խաղերը կկայանան հուլիսի 27-ից մինչ օգոստոսի 12-ը: Օլիմպիական թաղամաս առաջին մարզիկները կժամանեն հուլիսի 15-ին: