Իսպանական լրատվամիջոցների փոխանցմամբ` Մադրիդի «Ատլետիկո»-ի նախկին ֆուտբոլիստ Պաուլու Ֆուտրեն կարծիք է հայտնել, որ հերթական «Ոսկե գնդակ»-ին պետք է արժանանա իր հայրենակից և «Ռեալ»-ի հարձակվող Քրիշտիանու Ռոնալդուն:
Ֆուտրեն նշում է, որ Ռոնալդուն գերազանցում է Մեսսիին և ավելի է արժանի այդ մրցանակին, քան «Բարսելոնա»-ի ռմբարկու Լիոնել Մեսսին:
«Եվրո-2012»-ի քառորդ եզրափակչի Պորտուգալիա-Չեխիա հանդիպմանը Ռոնալդուն ապացուցեց, որ արժանի է «Ոսկե գնդակ» մրցանակին: Նա գերազանցում է Մեսսիին: Կարծում եմ` Ռոնալդուն կգերազանցի նաև Էյսեբիոյին և լավագույն ֆուտբոլիստ կճանաչվի պորտուգալական ֆուտբոլի պատմության մեջ»,- հայտարարել է Ֆուտրեն:
