WBC վարկածով երկրորդ միջինքաշային կարգում աշխարհի չեմպիոն Ֆլոյդ Մեյվեզեր-կրտսերը (42-0-0) հայտարարել է, որ վերջնական ֆինանսային առաջարկություն է կատարել WBO վարկածով երկրորդ միջինքաշային կարգում աշխարհի չեմպիոն Մենի Պակյաոյի (54-3-2, 38 ) հետ մենամարտի համար:
«Մենամարտի համար ես Մենիին առաջարկեցի 40 մլն ԱՄՆ դոլար, բայց նա եկամուտների հավասարաչափ բախշման ցանկություն հայտնեց: Չեմ պատրաստվում զիջել. 40 մլն ԱՄՆ դոլարը իմ վերջնական առաջարկն է: Կա՛մ Պակյաոն ընդունում է այն, և մենք մենամարտում ենք, կա՛մ էլ հրաժարվում է, և մենք վերջակետ ենք դնում: Ինչպես արդեն ասել եմ, ոչ թե Ֆլոյդ Մեյվեզերին է պետք Մենի Պակյաոն, այլ Մենի Պակյաոյին` Ֆլոյդ Մեյվեզերը»,- բռնցքամարտիկի ինքնավստահ ելույթից մի հատված է մեջբերում Speaking Out –ը:
Ընթացիկ տարվա մայիսի 5-ին պետք է կայանա Մեյվեզերի մենամարտը Միգել Կոտոյի հետ:
