Ամերիկյան հանրահայտ Time հանդեսը կազմել է աշխարհի ամենաազդեցիկ 100 մարդկանց ցուցակը:
Ցուցակում հայտնվել են թենիսի աշխարհի առաջին ռակետ Նովակ Ջոկովիչը, Բասկետբոլի ազգային լիգայի հայտություն դարձաց Ջերեմի Լինը և կատալոնական «Բարսելոնա»-ի առաջատար Լիոնել Մեսսին:
24-ամյա սերբ թենիսիտը նախորդ մրցաշրջանում հաղթել է «Մեծ սաղավարտ»-ի 4 մրցաշարերից 3-ում և իր կարիերայի ընթացքում առաջին անգամ բարձրացավ ATP վարկանիշային աղյուսակի առաջին հորիզոնական: Բացի այդ, Նովակը թենիսի պատմության մեջ գրանցված անպարտելի շարքերի ցուցակում հայտնվեց երրորդ հորիզոնականում՝ չպարտվելով 43 հանդիպում:
Բասկետբոլի ազգային լիգայի Նյու Յորք «Նիքս» ակումբի պաշտպան Ջերեմի Լինը, ով ավարտել է Հարվարդի համալսարանը, միակ բասկետբոլիստն է, ով ընդգրկվել է այդ ցուցակում: Ընթացիկ մրցաշրջանում Ջերեմին մեկ խաղի համար միջինը վաստակել է 14.6 միավոր, իսկ այժմ ապաքինվում է ծնկի վնասվածքից:
Արգենտինացի Լեո Մեսսին վերջին 3 տարիների ընթացքում ճանաչվել է աշխարհի լավագույն ֆուտբոլիստ, «Բարսելոնա»-ի պատմության մեջ լավագույն ռմբարկուն է:
Ցուցակում հայտնվել են ևս 3 աշխարհահռչակ մարզիկներ՝ Օսկար Պիսթորիուսը (թեթև աթլետիկա), Թիմ Թիբոուն (ամերիյան ֆուտբոլ) և Յան Տսենը (գոլֆ):
