WBO վարկածով միջին քաշային կարգում աշխարհի չեմպիոն Ռոբերտ Շտիգլիցի մարզիչ Դիրկ Ձեմսկին ծաղրական տոնով մեկնաբանեց միջին քաշային կարգում աշխարհի նախկին չեմպիոն Արթուր Աբրահամի` արգենտինացի բռնցքամարտիկ Պաբլո Ֆարիասի նկատմամբ տարած հաղթանակը: Հիշեցնենք, որ անցած շաբաթ թե՛ Շտիգլիցը, թե՛ Աբրահամը իրենց մենամարտերն անցկացրին Baden Arena-ում:
«Կարծում եմ` մենք տեսանք երկու տարբեր մենամարտեր: Շտիգլիցի և Ուեբբերի հակամարտությունը հիանալի էր, իսկ մյուսը, որտեղ մենամարտում էին Աբրահամն ու սահմանափակ հնարավորություններով արգենտինացին, նկարագրելու համար խոսքեր չեմ գտնում: Չգիտեմ` ինչ էր դա: Մի դեպքում մենք տեսանք իսկական բռնցքամարտ, իսկ մյուսում` անհասկանալի ինչ-որ բան»:
