ՀՖՖ-ն պատժեց բոլոր անկարգապահներին. Սպորտ

ՀՖՖ մամլո ծառայությունն «Առաջին լրատվական»-ին տեղեկացնում է, որ նոյեմբերի 25-ին և դեկտեմբերի 1-ին տեղի ունեցան Հայաստանի ֆուտբոլի ֆեդերացիայի կարգապահական կոմիտեի նիստերը` ՀՖՖ Կարգապահական կոմիտեի նախագահ Ռուբեն Սինոյանի նախագահությամբ և որոշվեց

Նոյեմբերի 25-ին`

23/11/11թ. «Արարատ»-«Ուլիս» խաղին «Ուլիս» թիմի ֆուտբոլիստ Միխեիլ Սիմոնյանի հեռացման (նույն խաղում 2 զգուշացում) համար, ՀՖՖ-ի կարգապահական կանոնակարգի 16-րդ հոդվածի 4-րդ կետի համաձայն` որակազրկել 1 խաղով, «Ուլիս» ֆուտբոլային ակումբին տուգանել 25000 դրամ:

17/11/11թ. «Աչաջուր-95»-«Մխչյան-95» խաղը չկայանալու «Մխչյան-95» թիմի չներկայանալու պատճառով համար, ՀՖՖ-ի կարգապահական կանոնակարգի 18-րդ հոդվածի 4-րդ կետի համաձայն` «Մխչյան-95» թիմին գրանցել տեխնիկական պարտություն, տուգանել 50000 դրամ:

17/11/11թ. «Փյունիկ-1-95»-«Գանձասար-95» խաղին «Գանձասար-95» թիմի կազմում որակազրկված ֆուտբոլիստ (Տիգրան Սողոմոնյանի) մասնակցելու համար, ՀՖՖ-ի կարգապահական կանոնակարգի 18-րդ հոդվածի 11-րդ կետի համաձայն` «Գանձասար-95» թիմին գրանցել տեխնիկական պարտություն, «Գանձասար» ֆուտբոլային ակումբին տուգանել 40000 դրամ:

Դեկտեմբերի 1-ին`

27/11/11թ. «Հրազդան-ֆզ-11»-«Գյումրի-ֆզ-11» խաղին «Գյումրի-ֆզ-11» թիմի ֆուտբոլիստ Երվանդ Բայբուրդյանի հեռացման, մրցավարին հայհոյելու համար ՀՖՖ-ի կարգապահական կանոնակարգի 20-րդ հոդվածի 11-րդ կետի համաձայն որակազրկել 5 խաղով, «Գյումրի-Անի» հասարակական կազմակերպությանը տուգանել 30000 դրամ: