«Փյունիկի» գլխավոր մարզիչ Եղիշե Մելիքյանը գոհ է իր ֆուտբոլիստների ցուցադրած խաղից և կարծում է, որ ներկայիս կազմով բարձր արդյունքի են հասել։ Հիշեցնենք, որ Հայաստանի չեմպիոնը Եվրոպա լիգայի փլեյ-օֆֆում հետխաղյա 11 մետրանոցներով զիջեց մոլդովական «Շերիֆին» և պայքարը կշարունակի Կոնֆերենցիաների լիգայի խմբային փուլում։ «Մեր թիմը ամեն հնարավորն արեց, բայց ֆուտբոլը այդպիսինն է, մի փոքր բախտավորություն է պետք: Այնուամենայնիվ, ես հպարտ եմ նման թիմ ունենալու համար: Ես բողոքներ չունեմ իմ ֆուտբոլիստներից: Այս դիմակայությունում ավելի շատ հաղթեց մրցակցի փորձը: Մեր ֆուտբոլիստները մեծ պատասխանատվություն զգացին 11 մետրանոցները իրացնելիս: Բայց հոգ չէ, առաջ ենք շարժվում»,- «Շերիֆի» դեմ մրցավեճից հետո ասել է Մելիքյանը։
Վերջինիս դիտարկումները միանգամայն պատեհ պետք է համարել։ Արդեն երկու օր է համացանցում ոմանք խիստ քննադատության են ենթարկում Մելիքյանին և ֆուտբոլիստներին 11 մետրանոց հարվածաշարը ձախողելու համար։ Վստահաբար կարող ենք ասել, որ 11 մետրոնոց հարվածաշարում մարզչին կամ ֆուտբոլիստին մեղադրելը ոչ այլ ինչ է քան ֆուտբոլային անգրագիտություն։ Աշխարհի առաջնության եզրափակչում 11 մետրանոցից վրիպել է լեգենդար Ռոբետո Բաջջիոն, ինչի հետևանքով Իտալիան չնվաճեց չեմպիոնի տիտղոսը։ Երկրպագուներից ոչ-ոքի սակայն Բաջջիոյին կամ Իտալիայի հավաքականի մարզիչ Արիգո Սակիին չմեղադրեց հավածաշարը ձախողվելու համար։ Չմոռանանք, որ «Փյունիկը» Չեմպիոնների լիգայի որակավորման առաջին փուլում հետխաղյա 11 մետրանոց հարվածաշարում հաղթեց Ռումինիայի չեմպիոն «Կլուժին»։ Մերոնք կարող էին նաև պարտվել և հնարավոր է «Փյունիկ» հրաժեշտ տված լիներ եվրագավաթների խաղարկություններին։ 11 մետրանոց հարվածաշարը վիճակախաղ է, որտեղ հնարավոր է շարունակ հաղթել, կամ պարտվել։
«Մեր հավատը բավարարում է այնքան, որ չկորցնենք մեր ոգին: «Մենք պարտվում ենք, բայց չենք հանձնվում: Դա շատ կարևոր հանգամանք է, քանի որ երբ դու նպատակ ունես, սպորտում կարևոր է ընդունել պարտությունը ու չկորցնել ոգին, շարունակել հավատալ քո թիմին: Փառք Աստծո, մենք այդպիսինն ենք: Այո, դժվարությունները դեռևս առջևում են, այո դեռևս խնդիրներ կան, որոնց վրա մենք պետք է աշխատենք որպես թիմ: Ամենակարևոնն այն է, որ մենք ճիշտ ճանապարհին ենք, պետք է տքնաջան աշխատել ու աշխատել և ամեն ինչ լավ կլինի: Իհարկե, ես ափսոսում եմ իմ ֆուտբոլիստներին, որոնք արժանի չէին նման օրվան, բայց դա դաս ու փորձ կլինի նրանց համար: Միգուցե այն, ինչ կորցրել ենք այսօր այստեղ, մի այլ վայրում գտնենք ու ամեն ինչ ստացվի Կոնֆերենցիաների լիգայում: Թող բոլոր անհաջողությունները մնան այստեղ ու Աստված տա, որ այսուհետ հաջողությունը մեզ ուղեկցի»,- ավելացրել է Մելիքյանը: Սեպտեմբերին «Փյունիկը» պայքարը կսկսի Կոնֆերենցիաների լիգայի խմբային փուլում։ Ու փոխարենը քաջալերենք մեր թիմին, փնովում ենք ֆուտբոլային վիճախաղում պարտվելու մեջ։ Ուժեղ ֆուտբոլ ունենալու համար, անհրաժեշտ ունենալ առողջ հասարակություն։ Այո յուրաքանչյուր պարտություն ակամայից դառնում է հոգեբանական անկման պատճառ։ «Պենալի վարպետ» մեր հայրենակիցներն նպատակաողւված աղ են լցնում վերքերի վրա։
11 մետրանոցից վրիպած ֆուտբոլիստներին անհրաժեշտ հնարավորինս արագ դուրս բերել հոգեբանական վիճակից։ Թիմին անհրաժեշտ է նախապատրաստել առաջիկայում սպսվող կարևոր խաղերի։ Այս ամենը, սակայն շատերը չեն հասկանում, կամ ողղակի չեն ցանկանում հասկանել։
