Ֆուտբոլի Կոնֆերենցիաների լիգայի խաղարկության որակավորման երկորդ փուլի առաջին խաղում այսօր Հայաստանի փոխչեմպիոն «Արարատ-Արմենիան» կհյորընկալի էստոնական «Պայդեին»։ Բուքմեյքերները այս խաղի ֆավորիտ են համարում Երևանյան թիմին։ Մասնավորապես, «Արարատ-Արմենիայի» հաղթանակի համար սահմանված է 1.66 գործակից։ Ոչ-ոքին գնահատված է 3․75, իսկ «Պայդեի» հաղթանակը՝ 5․5 գործակցով։ Ինչ է իրենից ներկայացնում էստոնական թիմը և իրականում ինչ հնարավորություններ ունի «Արարատ-Արմենիան»։ Պայդեն Էստոնիայի առաջնության բրոնզե մեդալակիրն է և պայքարը սկսել էր Կոնֆերենցիաների լիգայի որակավորման առաջին փուլից։ Այստեղ «Արարատ-Արմենիայի» մրցակիցը անսպասելիորեն պայքարից դուրս էր թողել Թբիլիսիի «Դինամոյին»։ Երկրպագուները գրեթե վստահ էին, որ Կոնֆերենցիաների լիգայում կկայանա հայ-վրացական դիամակություն, բայց․․․։ Ի դեպ Թբիլիսիում 2։1 հաշվով հաղթելուց հետո «Պայդեն» սեփական հարկի տակ պարտվել էր նույն հաշվով և երկրորդ փուլի ուղեգիր էր նվաճել առավելության հասնելով հետխղայա 11 մետրանոցներով։ «Պայդեի» ֆուտբոլիստների տնարսֆերային ընդհանուր արժեքը կազմում է ընդամենը 3․5 միլիոն եվրո։ Այս թիմի ամենաթանակ ֆուտբոլիստը գանացի եզրային կիսապաշտպան Դիբիաս Սեկիրին է, որի տրանսֆերային աժեը 4 միլիոն եվրո է։
Ի դեպ, «Պայդեում» է ելույթ ունենում Էստոնիայի բոլոր ժամանակների լավագույն ֆուտբոլիստներից լենեգդար, Ռագնար Կլավանը։ Վերջինս հայտնի է «Լիվերպուլում» ունեցած ելույթներով, իսկ «Պայդե» տեղափոխվել է անցյալ տարվա ամռանը իտալական «Կալյարիից»։ 36-ամյա Կլավանը Էստոնիայի ազգային թիմի կազմում անց է կացրել 129 հանդիպում և խփել 3 գնդակ։ «Արարատ-Արմենիայի» ֆուտբոլիստների տրանսֆերայի հանրագումարը կազմում է 5․7 միլիոն եվրո։ Մեր թիմի ամեաթանկ ֆուտբոլիստը հոլանդացի կիսապաշտպան Մայլսոն Լիման է, որի տրանսֆերային արժեքը կես միլիոն եվրո է։ Ի դեպ, Լիման հանդիսանում է Հայաստանում ելույթ ունեցող ամենաթանկ ֆուտբոլիստը։ Նշենք, որ մրցաշրջանի ավարտից հետո «Արարատ-Արմենիայիայում» տեղի են ունեցել էական փոփոխություններ։ Թիմը գլխավոր մարզիչ նշանակվեց մեր երկրի լավագույն մասնագետներից մեկը՝ Վարդան Բիչախչյանը։ Թիմին միացան նաև Հայաստանի ազգային հավաքականի խաղացողներ Գևորգ Ղազարյանը, Արման Հովհաննիսյանը, Հակոբ Հակոբյանը։ «Արարատ-Արմենիայի» հետ պայմանագիր կնքեց նաև Հայաստանի չեմպիոն «Փյունիկի» լավագույն ռմբարկու պորտուգալացի Ուգո Ֆիրմինոն։ «Բնականաբար պատրաստ ենք դիամակությանը: Իմ գլխավորությամբ առաջին պաշտոնական խաղն է այլ էլ Կոնֆերենացիաների լիգայի խաղարկության որակավորման երկրորդ փուլում։ Այդ առումով մտահոգիչ ոչինչ չկա: Առաջադրանքի մասով: Առաջնությունում պայքարելու ենք չեմպիոնության համար, իսկ Կոնֆերենցիաների լիգայի խաղարկությունում փորձելու ենք ինչքան հնարավոր է առաջ գնալ ու իմ համոզմամբ այս տեսանկյունից ոչ միայն մեզ, այլ հայկական մյուս թիմերի համար, որոնք խաղում են եվրագավաթներում, մեծ նշանակություն ունի վիճակահանությունը: Եկեք առաջ չընկնենք: Եթե պատրաստ ենք, այսօր խոսենք վաղվա խաղից, հետո առաջիկայում ինչ կլինի՝ ժամանակ կունենանք անդրադառնալու: Սելեկցիայի մասով: Այս պահին բավարարում է: Չի բացառվում, որ քանի դեռ ժամանակ ունենք, կունենանք ևս մեկ համալրում»․- նախախաղային մամուլի ասուլիսում ասաց ասաց Բիչախչյանը:
Նշենք, որ Գևորգ Ղազարյանը լիովին չի ապաքինվել վնասվածքից և այսօրվա հանդիպամը չի մասնակցի։ Կարել Վոոլեյդը կարծում է, որ Թբիլիսիի «Դինամոյին» հաղթելուց հետո իր ֆուտբոլիստներտ կարող են հաղթահարել նաև «Արարատ-Արմենիայի» արգելքը։ «Ես հետևում եմ Հայաստանի առաջնությանը, «Արարատ-Արմենիային» այն ժամանակվանից, ինչ Իլյա Անտոնովն էր խաղում թիմի կազմում: Այդ ժամանակ ես Էստոնիայի ազգային հավաքականի մարզիչն էի: Հետևում էի նաև Նիկիտա Բառանովի խաղին, Երևանի «Արարատի» խաղերն եմ նայել: Հետևել եմ, թե ինչպես էր Երևանի «Ալաշկերտը» լավ հանդես գալիս «Գլազգո Ռեյնջերսի» հետ խաղերում: Շատ լավ ավանդություներ ունեք, խաղացողներ:Բարձր եմ գնահատում կոնկրետ «Արարատ-Արմենիայի» խաղը: Նրանք մշտապես խաղում են չեմպիոնության համար, բարձր մակարդակի թիմ է: Անկախ նրանից նոր մարզիչ ունեն ու նոր խաղացողներ են ձեռք բերել, բարդ է լինելու, բայց մենք փորձելու ենք: Հարգում ենք բոլորին: Ես նոր եմ գլխավորել թիմը, բայց «Պայդեն» ինձ համար շատ կարևոր թիմ է: Դեռ 18 տարեկան հասակում որպես խաղացող ներկայացրել եմ «Պայդեն»: Անցած մրցաշրջանում մենք նվաճել ենք երկրի գավաթը՝ հաղթելով «Ֆլորային», որը շատ լավ թիմ է: Թբիլիսիի «Դինամոյին» անցանք:
Հիմա մեր մյուս խնդիրը՝ անցնել «Արարատ-Արմենիային»: Ինչքան էլ դա դժվար լինի, մեր խաղացողները լավ մոտիվացված են, ունեն զգալի փորձ: Նրանցից ոմանք գուցե շուտով կավարտեն իրենց կարիերան ու մենք ուզում ենք պատմություն կերտել, որովհետև «Պայդեն» չունի եվրագավաթներում խաղալու մեծ փորձ: Նույնիսկ եվրագավաթային գոտում չենք եղել, այստեղ ենք գավաթը նվաճելու շնորհիվ: Տեսնենք ինչպես կստացվի»,- նշել է էստոնացի մասնագետը: «Արարատ-Արմենիա»-«Պայդե» հանդիպումը տեղի կունենա Ավանի ֆուտբոլի ակադեմիայի մարզադաշտում և կսկսվի ժամը 19-ին։
