Ադրբեջանի չեմպիոնի «Ղարաբաղ» ֆուտբոլային ակումբը բողոք կներկայացնի ՈւԵՖԱ, փետրվարի 17-ին Մարսելի «Վելոնդրոմ» մարզադշատում Կոնֆերենցիաների լիգայի 1/16-րդ եզրափակչի «Օլիմպիկի» դեմ մրցավեճում հայերի կողմից իրականացրած ակցիայի կապակցությամբ։ Ըստ ադրբեջանական կողմի ֆրանսահայերը սադրանք են կատարել ընդդեմ Ադրբեջանի խախտելով նաև եվրոպական ֆուտբոլային գերատեսչության օրենքները։ Հիշեցնենք, որ «Մարսել»-«Ղարաբաղ» հանդիպմանը ներկա էին գտնվել բազմաթիվ հայ երկրպագուներ, որոնք ծածանվել էին Հայաստանի և Արցախի դրոշները ինչպես նաև «Արցախը Հայաստան է» գրությամբ ցուցապաստառ պարզել։ Իրավապահ մարմինները չէին խոչընդոտել մեր հայրենակիցներին, ինչը զայրույթի ալիք է բարձրացրել Ադրբեջանում։ Բնական է, որ Ադրբեջանը ինչ-որ կերպ պետք է պատասխաներ Մարսելում տեղի ունեցածին, բայց․․․։ Իրականում ո՞ւմ դեմ է բողոքում ադրբեջանական կողմը և ովքեր պետք է պատժվեն եթե նույնիսկ ՈւԵՖԱ-ն բավարարի պահանջը։
Այո, ՈւԵՖԱ-ի կանոնադրությանը հակասում է պաշտոնական հանդիպումների ժամանակ չճանաճված պետությունների դրոշներ ծածանելը, կամ քաղաքական բնույթի ցուցապաստառներ ցուցադրելը։ Բայց ոչ միշտ է ՈւԵՖԱ-ն դիմում պատժամիջոցների։ Տվյալ դեպքում ՈւԵՖԱ-ն կարող է տուգանել թերևս «Մարսել» ակումբին և «Վելոդրոմ» մարզադաշտին։ Ստացվում է, որ «Ղարաբաղը» ըստ էության ՈւԵՖԱ բողոք է ներկայացնելու ըննդեմ ֆրանսիական ակումբի։ Սա թերևս հարցի մի կողմն է։ Իսկ եթե սթափ գնահատական տանք տեղի ունեցածին կստանանք միանգամայն այլ պատկեր, ավելի տխուր պատկեր։ Այո, նմանատիպ ակցիաները ոգևորում են հասարակության լայն շերտերի, բայց այդ ոգևորությունը միայն ոգևորություն է։ Վերջին տարիներին «Ղարաբաղը» մասնակցում է եվրոպական ակումբային հեղինակավոր մրցաշարերին։ Հայական որևէ ակումբ երբևէ չի մասնակցել Եվրոպա լիգայի կամ չեմպիոնների լիգայի խմբային փուլին։ Հայկական որևէ ակումբի երբևէ չի հաղթահարել խմբային փուլի արգելքը։ Այս տարի Հայաստանի չեմպիոն «Ալաշկերտը» մասնակցեց Կոնֆերենցիաների լիգայի խմբային փուլին։ Մեր թիմի մասնակցությամբ տնային հանդիպումները սակայն անցան կիսադատարկ տրիբունաների ներքո։ Այսինքն ընձեռնված հնարավորությունը մենք չօգտագործեցինք այսպես ասած ֆուտբոլային և ոչ ֆուտբոլային շոու դարձնելու համար։ Միևնույն ժամանակ մենք խնդիրների մասին բարձրաձայնում ենք Ադրբեջանի չեմպիոնի հանդիպումների ընթացքում։
Այո, սա ևս պայքարի միջոց է, բայց․․․։ Կարծում ենք շատերը կնախընտրեին, որ մենք մեր խնդիրները լուծեինք գործի դնելով մեր ուժը։ Կարծում ենք շատ ավելի ոգևորիչ կլիներ եթե «Ղարաբաղի» փոխարեն ակումբային մրցաշարի փլեյ-օֆֆում ելույթ ունենար Հայաստանի չեմպիոնը։ Շատ ավելի ոգևճնչող կլիներ, որ Արցախն իսկապես Հայաստանի մաս կազմեր և նպանատիպ ակցիաներ իրականացնեին ադրբեջանցիները։ Նույնիսկ 44-օրյա պատերազմից առաջ երբ Արցախը և մենք միանգամայն այլ կարգավիճակում էինք «Ղարաբաղի» մասնակցությամբ հանդիպումներին իրականացվում էին տարատեսակ ակցիաներ։ Իրականացվում են նաև 44-օրյա պատերազմից հետո։ Կարծում ենք մեկնաբանություններն ավելորդ են։ Յուրաքանչյուր հայի երազանքն է, որ նման ակցիաների կարիքը այլևս չլինի, բայց․․․։
Դրանք շարունակվելու են։ Շարունակվելու են այնքան ժամանակ քանի դեռ սայլը տեղից չենք շարժել։ Շարունակվելու են այնքան ժամանակ, քանի դեռ գոնե «Ղարաբաղի» մակարդակի թիմ չենք ստեղծել։ Շարունակվելու են այնքան ժամանակ քանի դեռ Արցախը Հայաստանի մաս չէ։
