Ֆուտբոլի Հայաստանի ազգային հավաքականի և իսպանական «Կադիսի» կենտրոնական պաշտպան Վարազդատ Հարոյանի տրանսֆերային արժեքը գերազանցեց մեկ միլիոն եվրոն։ Տրանսֆերմարկետ պարբերականի վերջին տվյալներով՝ մեր ֆուտբոլիստի տրանսֆերային արժեքն ավելացել է 300 հազար եվրոյով և այժ կազմում է 1․2 միլիոն եվրո։ Հիշեցնենք, որ Հարոյանը իսպանական ակումբ էր տեղափոխվել այս տարվա մայիսին։ Մինչ այդ նա ելույթ էր ունենում ղազախական «Աստանայում»։ Տեղափոխվելով Լա լիգա Հարոյանն աչքի ընկավ որակյալ խաղով դառնալով նաև գոլի հեղինակ։ Դրանով պայմանավորված հայ պաշտպանի տրասֆերը զգալիորեն աճեց։ Այսպիսով, Հարոյանը դարձավ մեր ազգային թիմի 8-րդ ֆուտբոլիստը, որի տրանսֆերային արժեքը գերազանցում է մեկ միլիոն եվրոն։ Եվ ընդհանրապես վերջին ամիսներին ֆուտբոլի Հայաստանի ազգային հավաքականի մի շարք ֆուտբոլիստների տրանսֆերային արժեքները շոշափելիորեն ավելացել են։ Մասնավորապես, վերջին մեկ տարվա ընթացքում մեր ազգային թիմում պատկերը զգալիորեն փոխվել է։ Դրական միտումն ինչ խոսք կապված է նաև նոր ֆուտբոլիստների համալրումով։ Մասնավորապես, Հայաստանի ազգային հավաքականում վերջին մեկ տարվա ընթաքում հայտնվեցին մի քանի նոր ֆուտբոլիստներ։ Նրանցից կարելի է առանձնացել մասնավորապես Խորեն Բայրամյանին և Էդուարդ Սպերցյանին և վերջապես Լուկաս Սելարայանին, որը հայկական ֆուտբոլային քաղաքացիություն ընդունեց Իսլանդիայի և Ռումինիայի հավաքականի դեմ վերջին հանդիպումներին ընդառաջ։
Սելարայանի պես բարձրակարգ ֆուտբոլիստը գալուստը ինչ խոսք մեծ իրադարձություն էր մեզ համար։ Այս ֆուտբոլիստը հիանալի մրցաշրջան է անցկացնում ամերիկյան «Կոլուբս Քրյու» ակումբում, ինչի արդյունքում ավելանում է նաև տրանսֆերային արժեքը։ Ըստ Տրանսֆերմարկետի Սելարայանի տրանսֆերն այսօր կազմում է 11 միլիոն եվրո։ «Կրասնոդարի» կազմում իր հերթին հիանալի մրցաշրջան է անցկացնում Էդուարդ Սպերցյանը, որը ճանաչվել է իր թիմի սեպտեմբեր ամսվա լավագույն ֆուտբոլիստ։ Տպավորիչ խաղին զուգահեռ աճել է նաև 21-ամյա հայ կիսապաշտպանի տրանսֆերային արժեքը։ Այն ավելանալով 200 հազար եվրոյով՝ այժմ կազմում է 1․1 եվրո։ Ինչ վերաբերվում է Բայրամյանին, ապա այս ֆուտբոլիստի տրանսֆերը վերջին ամիսներին որոշակի անկում է ապրել։ 2020 թվականի համեմատ այն ավելացել էր 200 հազարով և նախորդ մրցաշրջանի ավարտին կազմում էր 3 միլիոն։ Ըստ Տրանսֆերմարկետ պարբերականի վերջին ամիսներին Բայրամյանի տրանսֆերը նվազել է 250 հազր եվրոյով և հիմա կազմում է 2 միլիոն եվրո։
Այս տարվա սկզբին միլիոնի շեմը հատել էր մեր ազգային թիմի հարձակվող Նորբերտո Բրիասկո Բալեկյանի տրանսֆերային արժեքը։ Հիշեցնենք, որ ամռանն այս ֆուտբոլիստը պայմանագիր էր կնքել արգենտինական հեղինակավոր «Բոկա Խունիորս» ակումբի հետ։ Եթե մեկ տարի առաջ Բալեկյանի տրանսֆերային արժեքը 450 հազար եվրո էր ապա հիմա այն կազմում է 1․8 միլիոն եվրո։ Վերջին ամիսներին Բալեկյանի տրանսֆերը աճել է ևս 300 հազար եվրոյով։ Ինչևէ, եթե 2020 թվականի վերջին Հայաստանն ուներ 4 ֆուտբոլիստ, որոնց տրանսֆերային արժեքը գերազանցում էր մեկ միլիոն եվրոն, ապա այսօր ունենք միլիոն և ավելի տրանսֆերային արժեք ունեցող միանգամից 8 ֆուտբոլիստներ։ Եվ այսպես, առաջին հորիզոնականում է մեր հավաքականի ավագ Հենրիխ Մխիթարյանը, որի տրանսֆերը կազմում է 16․5 միլիոն եվրո։ Մխիթարյանից հետո հայաստանցի երկրորդ ամենաթանկ ֆուտբոլիստը Սելարայանն է։ Վերջինիս հաջորդում է «Հոֆենհայմի» հարձակվող Սարգիս Ադամյանն է, ում տրանսֆերը 3․5 միլիոն եվրո է։
Խորեն Բայրամյանը չորրորդ հորիզոնականում է։ Լավագույ հնգյակը եզրափակում է «Աստանայի» կիսապաշտպան Տիգրան Բարսեղյանը, որի տրանսֆերային արժեքն այս պահին ևս 2․75 միլիոն եվրո է։ Բալեկյանը գտնվում է 6-րդ հորիզոնականում է։ Վարազդատ Հարոյանը միլիոնանոց ֆուտբոլիստների հաշվարկում 7-րդն է, իսկ 8-րդ հորիզոնականում Էդուարդ Սպերցյանն է։ Այսօր կարող ենք արձանագրել, որ Հայաստանի հավաքականի հիմնական կազմի ֆուտբոլիստերի հիմնական մասն ունեն մեկ միլիոն և ավելւ տրանսֆերային արժեք ինչ բավական լավ ցուցանիշ է։
