«Արարատ»-«Երևան» և «Շիրակ»-«Ուրարատու» հանդիպումներով երեկ մեկնարկեց Հայաստանի Բարձրագույն խմբի առաջնությունը, որը կարելի է բացառիկ համարել հայկական ֆուտբոլի համար: «Գյումրիում և Երևանում կայանալիք 2 հանդիպումներով մեկնարկում է Հայաստանի բարձրագույն խմբի հերթական՝ 28-րդ մրցաշրջանը, որին մասնակցելու են 10 թիմեր:
Վերջին անգամ մեր բարձրագույն խմբում մասնակիցների նման քանակ ունեցել ենք հեռավոր 2002 թվականին: Օրեր անց մեկնարկելու է նաև Հայաստանի առաջին խմբի մրցաշարը, որին մասնակցելու հայտ են ներկայացրել 18 թիմեր: Բնականաբար սրանք ուրախացնող, հույս ներշնչող թվեր են», – երկրպագուներին ուղված ուղերձում երեկ նշել էր ՀՖՖ-ի նախագահ Արթուր Վանեցյանը: Վերջինս հասարակության կոչ էր արել գնալ մարզադաշտ և ներկա գտնվել մեր համար արդեն նշանակալի մրցաշարին: Այսօր իրավիճակն այնպիսին է, որ Վանեցյանի երեկվա հայտարարությունը լոկ ուղերձ որակել ուղղակի չի կարելի: Մենք գտնվում ենք մի փուլում, որտեղ ուղեժ ֆուտբոլ ունենալու գործում յուրաքաչյուրիս մասնակցությունը ուղղակի կարևոր է: Մեկ տարվա ընթացքում հայկական ֆուտբոլում տեղի ունեցած շրջադարձային իրադարձություններ, ինչի արդյունքում հաստատուն քայլ կատարեցինք դեպի առաջ: Կարճ ասած ստեղծվել է զարգանալու և առաջ շարժվելու մի մեծ դաշտ, մի նոր փուլ: Վանեցյանը ըստ էության ներկայացրեց նոր փուլի ճանապարհային քարտեզը: Երեկ մեկնարկեց բոլորովին նոր որակի առաջնություն, որը խոստանում է լատրված և դիտարժան պայքար: Առաջնությունը լրացուցիչ լիցքեր և խթաններ կստանա եթե այն անցնի երկրագուների ուշադրության ներքո: Ֆուտբոլը գեղեցիկ է նաև իր մթնոլորտով և 12-րդ խաղացողով:
Վանեցյանը երեկ ևս մեկ անգամ կարևորեց ֆուտբոլասերի դերը: Եթե երկրպագուն առաջ մղի մեր ֆուտբոլը ապա հավատացենք դժվարին թվացող ճանապարհը շատ ավելի հեշտ ու արագ կանցնենք: Ինչևէ, հասկանանք նաև ինչով է առանձնահատուկ նաև մեկնարկած առաջնությունը: Բարձրագույն խմբի 2019/2020 մրցաշրջանին մասնակիցները կպայքարեն երկու շրջանով շրջանով: Այնուհետև առաջին վեցնյակի թիմերը կվիճարկեն չեմպիոնի տիտղոսը։ Ինչ վերաբերում է 6-10-րդ հորիզոնականը զբաղեցրած թիմերին, ապա նրանք ևս պայքարը շարունակելու են միմյանց միջև։ Վերջին հորիզոնականը զբաղեցրած թիմը լքելու է Բարձրագույն խմբի առաջնությունը և հաջորդ մրցաշրջանում հանդես է գալու Առաջին խմբում։ Առաջին խմբի չեմպիոնն էլ իր հերթին Բարձրագույն խմբում հանդես գալու ուղեգիր է նվաճելու:
Ընթացիկ առաջնությունում գործելու է նաև լիմիտ օտարերկրացի ֆուտբոլիստների: Թիմերի հայտացուցակները նախկին 18 ֆուտբոլիստների փոխարեն կունենան 23 ֆուտբոլիստներ: Նրանցից 7-ը պարտադիր պետք է լինեն տեղացի խաղացողներ: Նախատեսվածի համաձայն լեգեոներների լիմիտը տարեց տարի ավելանալու է։ Վանեցյանը ավելի վաղ նշել էր, որ այս մրցաշրջանում ՀՖՖ-ն խիստ չի գտնվել այս հարցում, քանի որ շատ ակումբներ կկանգնեն խնդրի առաջ: Մասնավորապես, այսօր կա տեղացի ֆուտբոլիստների սակավության խնդիր և եթե լեգեոներների սահմանափակումը կատարվեր ավելի մեծ ծավալով, մի շարք թիմեր խաղը որակի առուկով զգալի անկում կապրեր։ Լեգեոներների սահմանափակումը տարածվելու է նաև Առաջին խմբի թիմերի վրա։ Առաջնության նոր ֆորմատը կթուլացնի ծանրաբեռնվածությունը միևնույն ժամանակ մեծացնելով լարվածությունը: Այսինքն երկու շրջանի ավարտից հետո կունենանք երկու «ֆրոնտ» որոնցում բավական հետաքրքիր պայքար կծավալվի: Տարիներ շարունակ Բարձրագույն խմբում վերջին հորիզոնականը զբաղեցրած թիմը չէր նահանջում Առաջին խումբ, քանզի ավելի ցածր դիվիզիոնում ակումբներ ըստ էության չկային:
Ավելի ստույգ՝ Առաջին խմբի առաջնությունում հիմնականում ելույթ էին ունենում Բարձրագույն խմբի մասնակից ակումբների դուստր թիմերը:
