Ռուսաստանի բռնցքամարտի հավաքականի գլխավոր մարզիչ Նիկոլայ Խրոմովը Gazeta.ru-ին տված հարցազրույցում, ամփոփելով Կլիչկո-Հեյ մենամարտը, ռինգում կատարվածը պոռնոգրաֆիա է անվանել:
«Դա մենամարտ չէր, պոռնոգրաֆիա էր: Կամ` բալետ: Ինչպես ցանկանում եք, այնպես էլ կոչեք: Ինձ ընդհանրապես հետաքրքիր չէր Կլիչկո-Հեյ մենամարտը: Ռինգում նրանք չես հասկանում, թե ինչով էին զբաղված: Մարտը 12 ռաունդ տևեց, կարող էր և 20 ռաունդ շարունակվել, արդյունքը նույնն էր լինելու: Կլիչկոն առջևի ձեռքով մի քիչ խաղաց… Այնտեղ բռնցքամարտ չկար:
Կլիչկոները համարժեք մրցակիցներ չունեն այսօր: Եղբայրները բոլորին հաղթում են իրենց հասակի, փորձի և տեխնիկական պատրաստվածության շնորհիվ: Ժամանակն է, որ նոր դեմքեր հայտնվեն գերծանրքաշային կարգում, այլապես բռնցքամարտը կդադարի հետաքրքրել երկրպագուներին»,- ասել է Խրոմովը:
