Դորտմունդի «Բորուսիա»-ի ու Հայաստանի ազգային հավաքականի կիսապաշտպան Հենրիխ Մխիթարյանը ռուսական «Спорт-Экспресс»-ին տված հարցազրույցում խոսել է մի քանի հարցերի շուրջ:
«Մայնց»-ի հետ վերջին մրցավեճի 2-րդ 11 մետրանոցի մասին.
«Այդ դրվագում ես ցանկանում էի իրացնել հարվածը, սակայն մարզիչը ցույց տվեց, որ գնդակին պետք է մոտենա Լևանդովսկին: Ինչ վերաբերում է կոնկրետ խաղին, ապա թիմը շատ կարևոր հաղթանակ տոնեց»:
ԱՄՆ-ում վիրահատության ենթարկված Յուրա Մովսիսյանի մասին.
«Նրա հետ խոսել եմ հեռախոսով, և նա իրեն լավ է զգում: Տա Աստված, որ նա կարողանա ապաքինվել մինչև Ռուսաստանի առաջնության 2-րդ շրջանի մեկնարկը»:
Չեմպիոնների լիգայի գավաթի խաղարկության «Նապոլի»-ի դեմ հանդիպումից հետո Լիոնել Մեսսիի հետ համեմատությունների մասին.
«Իհարկե, հաճելի է համեմատվել նրա հետ, սակայն ես դեռ պետք է աշխատեմ ու աշխատեմ»,- Մխիթարյանի խոսքերը մեջբերում է «Спорт-Экспресс»-ը:
