Ռուսաստանի Պրեմիեր լիգայի առաջնության 18-րդ տուրի շրջանակներում Մոսկվայի «Սպարտակ»-ը, որտեղ հանդես են գալիս Հայաստանի ազգային հավաքականի ֆուտբոլիստներ Յուրա Մովսիսյանն ու Արաս Օզբիլիսը, սեփական հարկի տակ կհանդիպի Նիժնի Նովգորոդի «Վոլգա»-ի հետ:
Արդեն հայտնի է Վալերի Կարպինի գլխավոր թիմի մեկնարկային կազմը, որում ընդգրկված է նաև Օզբիլիսը: Ինչ վերաբերում է Մովսիսյանին, ապա նա, ինչպես հայտնի է, վնասվածք ունի և այս տարի այլևս խաղադաշտ դուրս չի գա:
«Սպարտակ»-ի մեկնարկային կազմը. Ռեբրով, Դ. Կոմբարով, Ժոաո Կարլոս, Մակեև, Պարշիվլյուկ, Գլուշակով, Կոստա, Կարիոկա, Խուրադո, Օզբիլիս, Բարիոս:
Հանդիպումը կմեկնարկի Երևանի ժամանակով 18:30-ին:
