«Ռեալ»-ի նախագահ Ֆլորենտինո Պերեսը գնահատել է Ժոզե Մոուրինյոյի աշխատանքը, ինչպես նաև հույս է հայտնել, որ Կարլո Անչելոտին կգլխավորի «Արքայական ակումբ»-ը:
«Ես այլևս չեմ խոսի Անչելոտիի մասին, քանի որ նա այլ ակումբի հետ գործող պայմանագիր ունի: Սակայն, եթե հարցնեք ինձ՝ արդյոք ինձ դուր է գալիս նրա աշխատանքը, ապա կասեմ, որ նա իր կարիերայի ընթացքում երկու անգամ կարող էր գլխավորել «Ռեալ»-ը:
Անչելոտին կարողանում է աշխատել անվանի խաղացողների հետ, ինչպես նաև ունակ է դիմակայել ցուցաբերվող ճնշմանը:
Իսկ ինչ վերաբերում է Մոուրինյոյին, ապա նրան թիմ հրավիրելիս մենք նպատակ ունեինք հաղթանակ տանել ՉԼ գավաթի խաղարկությունում: Նա չկարողացավ դա անել, սակայն նրա օգնությամբ մենք բարձրացրեցինք մեր խաղամակարդակը: Երեք անգամ մեզ հաջողվել է ՉԼ գավաթի խաղարկության կիսաեզրափակիչ դուրս գալ, բայց միշտ ինչ-որ բան պակասում էր հաջողության հասնելու համար:
Մոուրինյոն շատ ուժեղ անձնավորություն է: Նա ցանկացած հարցում լիարժեք նվիրում է պահանջում՝ ցանկանալով լուրջ հաջողության հասնել: Նա հիանալի աշխատանք է կատարել «Ռեալ»-ում»,- նշել է Պերեսը:
