Լեհ լուսանկարիչ Միխալ Խունևիչին հաջողվել է լինել աշխարհի ամենափակ երկրում` Հյուսիսային Կորեայում, և մի քանի լուսանկարներ անել արգելված վայրերում, գրում է Euronews-ը:
Նա պատմել է, որ Հյուսիսային Կորեայում լուսանկարել կարելի է միայն թույլատրված վայրերում, և բացի այդ՝ միայն գիդի հաստատելուց հետո:
Սակայն նրան դա հետ չի պահել, և նա կարողացել է անել մի շարք հետաքրքիր լուսանկարներ, որոնք արտացոլում են այդ երկրի քաղաքացիների կյանքի տարբեր դրվագներ:
«Հյուսիսային Կորեան նույնիսկ ավելի վատ դուրս եկավ, քան որ մեզ ցույց են տալիս հեռուստացույցով: Այո, մենք չտեսանք ոչ բռնություն, ոչ անտուն մարդկանց, ոչ աշխատանքային ճամբարներ: Սակայն տեսնել այդ մոխրագույն աղքատ մարդկանց, ովքեր խուսափում են նայել ձեր աչքերի մեջ, վախենում են ցանկացած շփումից, կարծես թե մենք բորոտներ լինենք, դա պարզապես սարսափելի է»,- պատմում է Խունևիչը:
