«Մանչեսթեր Սիթի»-ն պատրաստ էր Դորտմունդի «Բորուսիա»-ի կիսապաշտպան Մարիո Գյոտցեին աշխարհի ամենաբարձր վարձատրվող ֆուտբոլիստ դարձնել: Սակայն ֆուտբոլիստը գերադասեց «Բավարիա»-ն:
Metro-ի տեղեկությունների համաձայն` «քաղաքայիններ»-ը 5-ամյա պայմանագիր էին առաջարկում 20-ամյա ֆուտբոլիստին, որի համաձայն նա շաբաթական 330 հազար ֆունտ կվաստակեր: Նշված գումարը գերազանցում է «Անժի»-ի հարձակվող Սամուել Էտո’Օյի աշխատավարձը:
Սակայն Գյոտցեն հրաժարվել է ուսումնասիրել առաջարկը: Ֆուտբոլիստն անմիջապես նախապատվություն է տվել «Բավարիա»-ին:
Հիշեցնենք, որ «Բավարիա»-ն 37 մլն ֆունտ կվճարի Գյոտցեի տրանֆերի դիմաց: Տեղափոխությունը կկայանա ամառային տրանսֆերային պատուհանի ժամանակ:
