Անգլիացի 33-ամյա հարձակվող Մայքլ Օոուենը, ով ներկայումս հանդես է գալիս «Սթոք Սիթի»-ի կազմում, հայտարարել է, որ ընթացիկ մրցաշրջանի ավարտից հետո ավարտելու է իր մարզական կարիերան:
Այդ մասին Անգլիայի հավաքականի, «Լիվերպուլ»-ի, «Ռեալ»-ի, «Նյուքասլ»-ի և «Մանչեսթեր Յունայթեդ»-ի նախկին հարձակվողը գրել է իր պաշտոնական կայքում:
«Կարծում եմ՝ ճիշտ ժամանակ եմ ընտրել կարիերաս ավարտելու համար»,- գրել է Օոուենը:
Հավելենք, որ Անգլիայի Պրեմիեր Լիգայի ընթացիկ մրցաշրջանում Օուենն անցկացրել է 6 հանդիպում ու խփել 1 գոլ: Անգլիայի հավաքականի կազմում նա մասնակցել է 89 հանդիպման ու խփած գնդակով աչքի ընկել 40 անգամ:
