«Ռոմա»-ի ավագ Ֆրանչեսկո Տոտտին իր կարծիքն է հայտնել «Յուվենթուս»-ի և «Լացիո»-ի լեգենդար հարձակվող Սիլվիո Պիոլայի ռեկորդի վերաբերյալ և հայտարարել, որ ցանկանում է դառնալ Ա Սերիայի պատմության լավագույն ռմբարկու: Տոտտին նաև գնահատել է իր թիմի` ընթացիկ մրցաշրջանում չեմպիոն դառնալու շանսերը:
Նշենք, որ 13 տուրերի արդյունքում «Ռոմա»-ն զբաղեցնում է Ա Սերիայի մրցաշարային աղյուսակի երկրորդ հորիզոնականը` զիջելով առաջատար «Յուվենթուս»-ին երկու միավոր: Նշենք նաև, որ Պիոլան 274 գոլ է խփել Իտալիայի առաջնության շրջանակներում, Տոտտին` 237:
«Ցանկանում եմ գերազանցել ամենագլխավոր ռեկորդը: Ես կարող եմ հասնել Պիոլային` խփած գոլերի քանակով: Ինչ վերաբերում է «Ռոմա»-ին, ապա մենք կարող ենք Իտալիայի չեմպիոն դառնալ»,- Сorriere dello Sport-ը մեջբերում է Տոտտիի խոսքերը:
