Երեքշաբթի կայացան չեմպիոնների լիգայի A,B,C եւ D խմբերի 4-րդ տուրի հանդիպումները:
A խմբում Լոնդոնի «Տոտնհեմ»-ը հյուրընկալեց չեմպիոնների լիգայի գործող չեմպիոն Միլանի «Ինտեր»-ին: Այս հանդիպման բացարձակ ֆավորիտ էր համարվում միլանյան թիմը, սակայն Հարի Ռեդնապի սաներն ուղղակի զարմացրին: Խաղասկզբից էլ երեւում էր , որ «Տոտնհեմ»-ը միայն հաղթանակի համար է խաղադաշտ դուրս եկել, եւ արդեն 18-րդ րոպեին «Տոտնհեմ»-ի հոլանդացի կիսապաշտպան Ռաֆայել Վան Դեր Վարտը բացեց խաղի հաշիվը: Խփված գնդակից հետո անգլիական թիմը չփակվեց պաշտպանությունում: Առաջին խաղակեսում խաղադաշտում գործում էր միայն մի թիմ` «Տոտնհեմ»-ը, իսկ «Ինտեր»-ն ուղղակի պաշտպանվում էր : Մինչեւ ընդմիջում խաղի հաշիվը չփոխվեց: Իսկ ահա ընդմիջումից հետո «Տոտնհեմը»-ը Պիտեր Կրաուչի խփած գնդակի շնորհիվ կրկնապատկեց հաշիվը: Սակայն Հարի Ռեդնապի սաները չէին ուզում ձեռք բերածով բավարարվել, բայց ահա այս խաղարկության լավագույն ռմբարկու Սամուել Էտոոն, 80-րդ րոպեին խփելով իր 7-րդ գոլը, հույս պարգեւեց ներաձուրիներին, սակայն փոխարինման ելած «Տոտնհեմ»-ի ռուս հարձակվող Ռոման Պավլյուչենկոն 89-րդ րոպեին գրավեց մրցակցի դարպասը: Հանդիպումն ավարտվեց 3-1 հաշվով՝ «Տոտնհեմ»-ի հաղթանակով: Այս խմբի մյուս խաղում Հոլանդիայի չեմպիոն «Տվենտե»-ն անսպասելիորեն պարտության մատնեց Բրեմենի «Վերդեր»-ին` 2-0 հաշվով: Աչքի ընկան Չադլին եւ Դե Յոնգը: 4 խաղից հետո «Ինտեր»-ը եւ «Տոտնհեմ»-ն ունեն 7-ական միավոր, բայց լրացուցիչ ցուցանիշներով խմբի առաջատարն է «Տոտնհեմ»-ը:
B խմբում «Բենֆիկա»-ն «Դա Լուժ» մարզադաշտում ընդունեց Լիոնի «Օլիմպիկ»-ին: Այս հանդիպումն այս օրվա ամենաարդյունավետն էր: Կրկնվեց «Ինտեր»-«Տոտնհեմ» հանդիպման սյուժեն: Այստեղ էլ «Բենֆիկա»-ն Դի Սուզա Պերեյրայի, Խավի Գարսիայի եւ Ֆաբիո Կոենտրաոյի 2 գնդակից հետո հաղթում էր 4-0 հաշվով, սակայն Գուրկուֆը, Գոմիսը եւ Լովրենը կարողացան կրճատել հաշիվը: Խաղն ավարտվեց 4-3 հաշվով` «Բենֆիկա»-ի հաղթանակով: Խմբի մյուս խաղում «Հապոել»-ը Թել-Ավիվում նվաճեց առաջին միավորը՝ 0-0 ոչ-ոքի խաղալով գերմանական «Շալկե-04»-ի հետ:
C խմբում «Ման. Յունայթեդ»-ը Ֆլետչերի, Օբերտանի եւ Դեդեի գոլերի շնորհիվ հյուրընկալվելիս պարտության մատնեց Թուրքիայի չեմպիոն «Բուրսասփոր»-ին, իսկ «Վալենսիա»-ն «Միստալիա»-ում նույն հաշվով պարտության մատնեց շոտլանդական «Գլազգո»-ին` Սոլդադոյի երկու եւ Տինո Կոստայի մեկ գոլերի շնորհիվ: Խմբի առաջատարն է «Ման. Յունայթեդ»-ը` 10 միավորով:
D խմբի երկու հանդիպումներն էլ ավարտավեցին ոչ-ոքի: «Ռուբին»-ը Կազանում ընդունեց հունական «Պանատինայկոս»-ին : Այս խաղում խփած գնդակներ չգրանցվեցին, եւ խաղն ավարտվեց 0-0 հաշվով, իսկ ահա «Կոպենհագեն»-ը Դանիայում կարողացավ 1 միավոր խլել հանրահայտ «Բարսելոնա»-ից: Հանդիպման 31-րդ րոպեին գոլի հեղինակ դարձավ Լիոնել Մեսին, սակայն մեկ րոպե անց Կլաուդեմիրը հավասարեցրեց խաղի հաշիվը: Խաղից հետո «Բարսելոնա»-ի գլխավոր մարզիչ Խոսեպ Գվարդիոլան ներողություն խնդրեց «Բարսելոնա»-ի երկրպագուներից հանդիպման արդյունքի համար:
Ռմբարկուների ցուցակը 7 գոլով միանձնյա գլխավորում է «Ինտեր»-ի կամերունցի հարձակվող Սամուել Էտոոն: