Անգլիայի Պրեմիեր լիգայի 36-րդ տուրում ավարտվեց լոնդոնյան դերբին: «Չելսի»-ն սեփական հարկի տակ ուժերը չափեց «Տոտենհեմ»-ի հետ:
Հյուրերն առաջին խաղակեսից հետո առավելության էին հասնում 0:2 հաշվով, սակայն «ազնվականներ»-ը կարողացան երկրորդ խաղակեսում վերականգնել հաշվի հավասարակշռությունը: 2:2 հաշիվը պահպանվեց մինչև հանդիպման ավարտը:
Այսպիսով՝ Պրեմիեր լիգայի 2015/16թթ մրցաշրջանի չեմպիոն դարձավ Կլաուդիո Ռանիերիի գլխավորած «Լեսթեր»-ը՝ դառնալով եվրոպական ֆուտբոլի գլխավոր սենսացիան: Մրցաշրջանի ավարտից 2 տուր առաջ «Լեսթեր»-ը երկրորդ տեղում գտնվող «Տոտենհեմ»-ին գերազանցում է 7 միավորով:
0:1 Քեյն (35′), 0:2 Սոն Հին-Մին (44′), 1:2 Քեյհիլ (58′), 2:2 Ազար (83′)
