Մադրիդի «Աթլետիկո»-ն լուրջ կորուստ է կրել: Նախօրեին տեղի ունեցած «Աթլետիկո Մադրիդ» – «Էսպանյոլ» հանդիպմանը լուրջ վնասվածք է ստացել մադրիդյան թիմի կիսապաշտպան Տիագուն: ՈւԵՖԱ-ի պաշտոնական կայքի հաղորդմամբ՝ ֆուտբոլիստը կոտրել է ոտքը:
Մարկո Ասենսիոյի հետ բախումից հետո 34-ամյա կիսապաշտպանը տեղափոխվել է հիվանդանոց, որտեղ հաստատել են կոտրվածքի առկայությունը:
Պորտուգալացին, ով իր թիմի կազմում մասնակցել է բոլոր հանդիպումներին, կարող է բաց թողնել մրցաշրջանի մյուս հատվածը, նույնիսկ՝ Ֆրանսիայում կայանալիք «Եվրո-2016»-ը:
Թիմի գլխավոր մարզիչ Դիեգո Սիմեոնեն իր աջակցությունն է հայտնել Տիագուին. «Մենք անհամբերությամբ սպասելու ենք նրա վերադարձին, հաշվելու ենք օրերը, թե երբ է նորից խաղադաշտ դուրս գալու: Ուզում եմ նրան հայտնել իմ, ողջ ակումբի ու երկրպագուների աջակցությունը»: