Էդեն Ազար. «Չելսի»-ի կիսապաշտպան Էդեն Ազարը հայտարարել է, որ չի պատրաստվում տեղափոխվել ՊՍԺ: Նա նշել է, որ Ֆրանսիա տեղափոխության դեպքում միայն կվերադառնա «Լիլ»:
Քրիշտիանու Ռոնալդու. «Ռեալ»-ի ղեկավարությունը շարունակում է հայտարարել է, որ ոչ մի դեպքում չի պատրաստվում Ռոնալդուին բաց թողնել «Մանչեսթեր Յունայթեդ»:
Էշլի Յանգ. «Յունայթեդ»-ի կիսապաշտպան Էշլի Յանգն առաջիկա ձմռանը կարող է փոխել ակումբային գրանցումը: 29-ամյա ֆուտբոլիստի ծառայություններով հետաքրքրվում են «Ասթոն Վիլա»-ն, «Սանդերլենդ»-ն ու «Սաութհեմփթոն»-ը:
Մարսելո Բրոզովիչ. Զագրեբի «Դինամո»-ի և Խորվաթիայի հավաքականի 21-ամյա կիսապաշտպան Մարսելո Բրոզովիչը հայտնվել է Լոնդոնի «Արսենալ»-ի ուշադրության կենտրոնում: Լոնդոնյան ակումբի սկաուտները Բրոզովիչի գործողություններին հետևել են «Դինամո» – «Հայդուկ» խաղում:
Կարոս Տևես. ՊՍԺ-ի ղեկավարությունը մտադիր է առաջիկա ձմռանը թիմ հրավիրել փորձառու հարձակվողի: Թիրախում «Յուվենթուս»-ի 30-ամյա հարձակվողն է:
Մանոլո Գաբիադինի. Մադրիդի «Ատլետիկո»-ն կարող է ձեռք բերել Ա Սերիայում հանդես եկող ևս մեկ ֆուտբոլիստի տրանսֆեր: Թիրախում «Սամպդորիա»-ի հարձակվող Մանոլո Գաբիադինին է:
Անդրե Այու. Մարսելի «Օլիմպիկ»-ի հարձակվող Անդրե Այուն 2015թ. ձմեռային տրանսֆերային պատուհանի ժամանակ կարող է համալրել «Նապոլի»-ի կազմը:
Մեմֆիս Դեպայ. «Յուվենթուս»-ի ղեկավարությունը մտադիր է ձեռք բերել ՊՍՎ-ի և Հոլանդիայի հավաքականի հարձակվող Մեմֆիս Դեպայի տրանսֆերը:
Արտուրո Վիդալ. «Մանչեսթեր Յունայթեդ»-ը պատրաստվում է 35 մլն ֆունտ առաջարկել «Յուվենթուս»-ին՝ Արտուրո Վիդալի տրանսֆերի դիմաց:
Մարեկ Համշիկ. «Նապոլի»-ի ավագ Մարեկ Համշիկը «Լիվերպուլ»-ի ուշադրության կենտրոնում է:
Մատեո Դարմիան. «Ռեալ»-ը հետաքրքրվում է Իտալիայի հավաքականի 24-ամյա եզրային պաշտպան Մատեո Դարմիանի ծառայություններով:
Ռահիմ Ստերլինգ. «Լիվերպուլ»-ի ղեկավարությունը շտապում է նոր պայմանագիր առաջարկել Ռահիմ Ստերլինգին՝ Մադրիդի «Ռեալ» նրա հավանական տրանսֆերը կանխելու համար: Ստերլինգին առաջարկվելու է 130.000 եվրո շաբաթական աշխատավարձով պայմանագիր:
