Մայիսի 7-ին Սամարայի Մեխզավոդ բնակավայրում փոխհրաձգություն է տեղի ունեցել հայերի և տեղի բնակիչների միջև: Ինչպես հաղորդում է «Վոլգա նյուս» տեղի պարբերականը՝ վկայակոչելով իրավապահ մարմինների իր աղբյուրներին, 3 հայեր 1000 ռուբլու պատճառով վիճել են տեղի երիտասարդների հետ: Վիճաբանության հետևանքով վերջիններս կրակ են բացել:
Տեղեկատվության համաձայն՝ նույն օրը հայ երիտասարդները հիվանդնոց են տեղափոխվել, որտեղ նրանց բժշկական օգնություն է ցուցաբերվել: Վիրավորներից երկուսը դուրս են գրվել հիվանդանոցից, իսկ երրորդը գիտակցության չգալով մահացել է:
Փաստի առթիվ հարուցվել է քրեական գործ: Կասկածյալները, որոնցից մեկն անչափահաս է, հետախուզման մեջ են: Կայքի փոխանցմամբ՝ և՛ տուժածները, և՛ կասկածյալները հայեր են, որոնք ՌԴ քաղաքացիություն ունեն: