«Լիվերպուլ»-ի նորեկ Նուրի Շահինը, ում իրավունքները պատկանում են Մադրիդի «Ռեալ»-ին, հայտնել է, թե ինչու է որոշում կայացրել կարիերան շարունակել հենց Բրենդան Ռոջերսի թիմում:
«Բազմիցս ենք հանդիպել «Լիվերպուլ»-ի գլխավոր մարզչի հետ, նա պատմել է ինձ իր ծրագրերի, գաղափարների մասին: Մարզիչը հստակ հայտնել է, թե ինչպիսի ֆուտբոլ է ցանկանում խաղալ, և ինչ դիրք եմ գրավելու ես խաղադաշտում: Տպավորված եմ. որքա՜ն է նա սիրում ֆուտբոլը:
Երբ Խաբի Ալոնսոյին հայտնի էր դարձել, որ «Լիվերպուլ»-ը հետաքրքրված է իմ ծառայություններով, նա ինձ ասաց, թե ինչ հիանալի ակումբ է այն: Ալոնսոն պատմեց ինձ ակումբի երկրպագուների մասին, «Էնֆիդ»-ի մասին, որն աշխարհի լավագույն մարզադաշտն է համարվում:
Խաբին այստեղ բազմաթիվ տիտղոսներ է նվաճել: Հուսով եմ` կարող եմ կրկնել նրա ուղին»,- ֆուտբոլիստի խոսքերը մեջբերում է «Լիվերպուլ»-ի պաշտոնական կայքը:
