Մայամի, ԱՄՆ
Մարզադաշտ «Մայամի»
Քառորդ եզրափակիչ
Նորվեգիա-Անգլիա` 1:2
Ֆուտբոլի աշխարհի 2026 թվականի առաջնության քառորդ եզրափակչում Անգլիայի ազգայինհավաքականը 2:1 հաշվով հաղթեց Նորվեգիային և նվաճեց կիսաեզրափակչի ուղեգիր։
«Արմենպրես»-ի հաղորդմամբ` հանդիպման մեկնարկում նախաձեռնությունն ավելի շատանգլիացիներինն էր, սակայն Նորվեգիան համբերատար պաշտպանվում էր և վտանգավորհակագրոհներով փորձում էր անակնկալի բերել մրցակցին։ 36-րդ րոպեին Նորվեգիայի ընտրանինբացեց հաշիվը. Անդրեաս Շելդերուպի հարվածից հետո գնդակը դիպավ դարպասաձողին ևհայտնվեց Ջորդան Փիքֆորդի պաշտպանած դարպասում՝ Նորվեգիային առաջ մղելով հաշվի մեջ։
Անգլիան կարողացավ պատասխանել առաջին խաղակեսի ավելացված ժամանակում։ Ջուդ Բելինգհեմը տուգանային հրապարակում առաջինը հասավ գնդակին և մոտ տարածությունից խփեց հավասարեցնող գոլը՝ հաշիվը դարձնելով 1:1։
Երկրորդ խաղակեսում երկու թիմերն էլ ունեցան հաղթական գոլ խփելու հնարավորություններ։ Նորվեգիան նույնիսկ մեկ անգամ գրավեց դարպասը, սակայն VAR-ի միջամտությունից հետո գոլը չեղարկվեց Էրլինգ Հոլանդի կողմից խախտման պատճառով։ Հիմնական ժամանակն ավարտվեց ոչ-ոքի՝ 1:1։
Լրացուցիչ ժամանակի մեկնարկից անմիջապես հետո՝ 93-րդ րոպեին, կրկին վճռորոշ խոսքն ասաց Բելինգհեմը։ Նորվեգիայի դարպասապահ Օրյան Նյուլանդի սխալից հետո անգլիացի կիսապաշտպանը գրավեց դարպասը և ձևակերպեց իր դուբլը՝ Անգլիային առաջ մղելով հաշվի մեջ։
Տեսանյութը` այստեղ
