Նորվեգացի հարձակվող Էրլինգ Հալանդի աննախադեպ հաջողությունները 2026 թվականի ֆուտբոլի աշխարհի առաջնությունում Պերուում իսկական «հալանդամանիա» են առաջացրել։
Պերուի անձնագրային ծառայության տվյալներով՝ երկրպագուները զանգվածաբար իրենց նորածիններին անվանակոչում են ֆուտբոլիստի անունով։ Արդեն 468 երեխա կրում է Հալանդ անունը (որպես առաջին կամ երկրորդ անուն), իսկ 91 նորածին ստացել է հենց Էրլինգ Հալանդ անուն-ազգանունը։
Գրանցումների թիվը կտրուկ աճել է հատկապես այն բանից հետո, երբ Նորվեգիայի հավաքականը պատմության մեջ առաջին անգամ դուրս եկավ քառորդ եզրափակիչ։
Պաշտոնյաները նշում են, որ պերուացիները հաճախ են ոգեշնչվում ֆուտբոլային աստղերով. նմանատիպ ավանդույթ կա նաև Մեսիի, Ռոնալդուի, Յամալի և Նեյմարի անունների հետ կապված, որոնք նույնպես հազարավոր անվանակիցներ ունեն Պերուում։
Կրիշտիանու Ռոնալդուի պատվին անվանակոչվել է 1185 պերուացի, ի պատիվ Իսպանիայի լավագույն ֆուտբոլիստներից մեկի՝ Լամին Յամալի՝ 1241 երեխա, իսկ 33 809 երեխա անվանակոչվել է բրազիլացի Նեյմարի պատվին։
