Միջին քաշային կարգում աշխարհի նախկին չեմպիոն, մեր հայրենակից Արթուր Աբրահամն իր գոհունակությունն է հայտնել WBO վարկածով երկրորդ միջին քաշային կարգում աշխարհի չեմպիոն Ռոբերտ Շտիգլիցի հետ մենամարտի կայացումը հաստատվելու կապակցությամբ: Այն նախատեսված է անցկացնել ընթացիկ տարվա օգոստոսի 25-ին Բեռլինում:
«Ես ուրախ եմ, որ մենամարտը կայանալու է O2 World-ում: Եվս մեկ անգամ հնարավորություն կունենամ իմ հմտությունները ցուցադրելու բազմաթիվ երկրպագուների առջև: Անհամբեր սպասում եմ նրանց համար կրկին շոու կազմակերպելու հնարավորությանը, ինչպես դա տեղի ունեցավ 2009 թվականին` Ջերմեյն Թեյլորի հետ մենամարտի վերջին ռաունդում»,- Fightnews-ը մեջբերում է Արթուր Աբրահամի խոսքերը:
