Ռուսական ВЗГЛЯД թերթի փոխանցմամբ՝ Իրանի խորհրդարանի նախագահ Ալի Լարիջանին երեկ հայտարարել է, որ Արևմուտքը և առաջին հերթին ԱՄՆ-ը լայնամասշտաբ ճգնաժամ է հրահրում Սիրիայում.
«Իրանի խորհրդարանն աջակցում է Սիրիայի ժողովրդավարական բարեփոխումներին, որոնք ապահովում են սիրիական ժողովրդի օրինական իրավունքները: Մի շարք արևմտյան երկրներ պետք է հասկանան, որ դա շատ վտանգավոր խաղ է, և ինչու Արևմուտքն ու ԱՄՆ-ը թույլ չեն տալիս, որ քաղաքական բարեփոխումներն ընթանան իրենց հունով:
Իրանի խորհրդարանը դատապարտում է ահաբեկիչների գործողությունները, ինչպես նաև ԱՄՆ-ի իշխանությունների ոչ խելամիտ ու ռազմաշունչ կոչերը և զգուշացնում է, որ Սիրիայում «նոր հակամարտությունը» կարող է սկսվել բավական հեշտ, սակայն դրա ավարտը կպահանջի վիթխարի ջանքեր»:
