Ուկրաինայի նախագահ Վլադիմիր Զելենսկին պաշտոնանկ է արել Պետական անվտանգության դեպարտամենտի ղեկավար Սերգեյ Ռուդիին։ Համապատասխան հրամանագիրը հրապարակվել է Ուկրաինայի նախագահի կայքում։ Պաշտոնանկության պատճառը չի հաղորդվում։ Ռուդն այս պաշտոնը զբաղեցնում է 2019 թվականից։ Ուկրաինայի Պետական անվտանգության վարչությունը ենթարկվում է անմիջականորեն երկրի նախագահին և պատասխանատու է բարձրաստիճան պաշտոնյաների պաշտպանության, ներառյալ պետության ղեկավարի անվտանգության համար:
Մայիսի 7-ին Ուկրաինայի անվտանգության ծառայությունը հայտնել է, որ բացահայտել է ԱԴԾ հետախուզական ցանցը, որի անդամները մահափորձ էին նախապատրաստում Վլադիմիր Զելենսկու, ԱԾ-ի ղեկավար Վասիլի Մալյուկի, ՊՆ գլխավոր հետախուզական վարչության պետի, Կիրիլ Բուդանովի և այլ բարձրաստիճան պաշտոնյաների դեմ։ Ուկրաինայի պետական անվտանգության ծառայության երկու գնդապետներ են բերման ենթարկվել. նրանք մեղադրվում են դավաճանության և ահաբեկչություն նախապատրաստելու մեջ։ «Strana.ua» հրատարակությունը գրում է, որ ձերբակալվածներից մեկը Ռուդիի մերձավոր գնդապետ Անդրեյ Գուկն է։ Հրատարակության զրուցակիցների խոսքով՝ հետախուզական ծառայությունները «հարցեր ունեին» Գուկի դեմ, սակայն Ռուդը երկար ժամանակ «պաշտպանում էր» նրան։
