Ֆրանսիայի ավտոսպորտի ֆեդերացիան հաղորդում է, որ օրերս Փարիզում տեղի է ունեցել Սպորտի ակադեմիայի մրցանակների հանձնման արարողությունը: Հրավիրվածների թվում եղել է նաև «Ֆորմուլա-1»-ի «Ռեդ Բուլ» թիմի ավտոարշավորդ Սեբաստյան Ֆետտելը:
Ավտոարշավորդը երեկոյի ընթացքում ստացել է ակադեմիայի Գրան պրի մրցանակը` 2011 թվականի ընթացքում ունեցած սպորտային հաջողությունների համար: Գերմանացի մարզիկին պարգևը հանձնել է Ավտոսպորտի միջազգային ֆեդերացիայի (FIA) նախագահ Ժան Թոդը:
Հիշեցնենք, որ 2011 թվականին Ֆետտելը «Ֆորմուլա-1»-ում նվաճեց իր երկրորդ չեմպիոնական տիտղոսը` հաղթելով 19 Գրան պրիներից 11-ում:
