Ով ինչքան փող է ստանում. ամենաթանկ վարձատրվող ֆուտբոլիստների տասնյակը

«Ոսկե գնդակ»-ի դափնեկիր արգենտինացի Լիոնել Մեսսին մոլորակի ամենաթանկ վարձատրվող ֆուտբոլիստն է: Ամերիկյան «Գելեքսի»-ի անգլիացի կիսապաշտպան Դևիդ Բեքհեմն այդ ցանկում զբաղեցնում է երկրորդ տեղը: Երրորդ հորիզոնականում Մադրիդի «Ռեալ»-ի և Պորտուգալիայի հավաքականի առաջատար Կրիշտիանու Ռոնալդուն է: Նշենք, որ Մարադոնայի հետնորդն ամենաթանկ վարձատրվող ֆուտբոլիստների տասնյակում ամենաերիտասարդն է:

1.Լիոնել Մեսսի («Բարսելոնա»` 33 մլն. եվրո)
«Լեոն զարմանալի տեխնիկայի է տիրապետում և հրաշալի տղա է, ով աչքի է ընկնում առանձնակի համեստությամբ», – այսպես է բնութագրել արգենտինացուն ՖԻՖԱ-ի նախագահ Զեպ Բլատտերը:

2.Դևիդ Բեքհեմ («Գելեքսի»` 30.4 մլն. եվրո)
«Բեքհեմն իսկական թիմային խաղացող է: Խաղընկերները հարգում են նրան և փորձում են հետևել նրա օրինակին: Իհարկե, Դևիդի արագությունն այն չէ, ինչ որ 17 տարեկանում էր, բայց նրա գրագետ խաղը, ճշգրիտ փոխանցումներն ու միայն իրեն հատուկ հարվածները կուժեղացնեն յուրաքանչյուր թիմի», – «Սփայս բոյի» մասին այսպես է արտահայտվել «Տոտենհեմ»-ի գլխավոր մարզիչ Հարի Ռեդնափը:

3.Կրիշտիանու Ռոնալդու («Ռեալ»` 30 մլն. եվրո)
«Ռոնալդուն աշխարի ամենաաշխատասեր ֆուտբոլիստն է, խաղադաշտում նրա կատարած աշխատանքն անգնահատելի է», – պորտուգալացու մասին արտահայտվել է Արսեն Վենգերը:

4.Կակա («Ռեալ»` 18.8 մլն. եվրո)
«Կական իսկական առաջատար է, ով աչքի է ընկնում դաշտը տեսնելու բացառիկ կարողությամբ: Եթե քո թիմում նրա նման ֆուտբոլիստ ունես, ապա պարտավոր ես խաղը նրա շուրջը կառուցել», – այսպես է արտահայտվել Կառլո Անչելոտտին իր նախկին սանի մասին:

5.Թիերի Անրի («Նյու Յորք Ռեդ Բուլ»` 18 մլն. եվրո)
«Թիերի դու միշտ ցանկալի հյուր ես Լոնդունում, մենք կարոտում ենք քեզ. դու լավագույնն ես». օրեր առաջ նման բովանդակությամբ պաստառներով ֆրանսիացուն դիմավորեցին «Արսենալ»-ի երկրպագուները:

6.Ռոնալդինյո («Ֆլամենգո»` 17.2 մլն. եվրո)
7.Կառլոս Տևես («Մանչեսթր Սիթի»` 15.4 մլն եվրո)
8.Զլատան Իբրահիմովիչ («Միլան»` 14.5 մլն. եվրո)
9.Ֆրենկ Լեմպարդ («Չելսի»` 14.2 մլն. եվրո)
10.Սամուել Էտոո («Ինտեր»` 13.8 մլն. եվրո)