Պեպ Գվարդիոլան առայժմ չի ցանկանում Լա Լիգայի գործող չեմպիոն կատալոնական «Բարսելոնա»-ի հետ նոր պայմանագիր ստորագրել, իսկ ակումբի ղեկավարությունն ամեն կերպ փորձում է իսպանացի մասնագետին պահել թիմում:
«Բարսելոնա»-ի հարձակման առաջատար Լիոնել Մեսսին իսպանական AS պարբերականին տված հարցազրույցում նշեց, որ Բիլբաոյի «Ատլետիկ»-ի գլխավոր մարզիչ Մարսելո Բիելսան կարող է արժանիորեն փոխարինել Գվարդիոլային: Արգենտինացու թիմը դուրս է եկել Եվրոպայի Լիգայի գավաթի խաղարկության 1/8 եզրափակիչ, Իսպանիայի գավաթի խաղարկության եզրափակիչ և պայքարում է ՉԼ հաջորդ խաղարկությունում տեղ զբաղեցնելու համար:
«Նա հիանալի մասնագետ է: Շատերն են ասում, որ Բիելսան նման է Գվարդիոլային: Մենք պետք է ընդունենք Պեպի կայացրած ցանկացած որոշում, քանի որ նա 4 մրցաշրջանում «Բարսելոնա»-ին 13 տիտղոս է պարգևել: Պեպին ուղարկում են «Չելսի», «Ինտեր», «Արսենալ», բայց ինքը դեռ լռություն է պահպանում»,- նշել է արգենտինացին:
