Ինչպես հայտնում են ամերիկյան լրատվամիջոցները, երեկ Coca-Cola-ի կայքն առժամանակ խափանվել է` չդիմանալով այցելուների աննախադեպ հոսքին: Նման ճակատագրի են արժանացել նաև Honda ընկերության Acura ապրանքանիշի և «Խիզախության օրենքը» ֆիլմի կայքերը: Բանն այն է, որ այս ընկերությունները գովազդ էին տեղադրել ամերիկյան ֆուտբոլի եզրափակչի հեռարձակման ժամանակ:
Հեռարձակումը դիտել էր ավելի քան 100 միլիոն մարդ: Այս երեք ընկերություններն իրենց գովազդն էին տեղադրել այդ եզրափակչի հեռարձակման ժամանակ, ինչն էլ դարձել էր խափանման պատճառ:
Հայտնի է, որ եզրափակչի ժամանակ գովազդի կես րոպեն արժե 3.5 միլիոն դոլար, ինչը լիովին արդարացված է` հաշվի առնելով հեռուստադիտողների աննախադեպ թիվը:
