Associated Press-ի հաղորդմամբ, Զագրեբի «Դինամո»-ի ֆանատները այրել են հունական «Պաոկ»-ի երկրպագուների ավտոբուսը: Հարձակման արդյունքում մոտ 10 հույն երկրպագու տարբեր աստիճանի մարմնական վնասվածքներ է ստացել:
Վիրավորներից 4-ը հոսպիտալացվել են և համապատասխան օգնություն են ստանում Զագրեբի հիվանդանոցներից մեկում: Տեղի ոստիկանության տվյալներով, խորվաթական ակումբի 30-ից ավելի ֆանատներ սկզբում քարերով ջարդել են ավտոբուսի ապակիները, այնուհետև սպիրտով լի վառվող շշեր են ներս նետել: Սա առաջին դեպքը չէ, որ զագրեբցի ֆանատները աչքի են ընկնում անկարգություններով: Վերջին տարիներին ակումբը 4 անգամ տուգանվել է ՈՒԵՖԱ-ի կողմից:
Հիշեցնենք, որ Եվրոպայի լիգայի D խմբի «Դինամո»-«Պաոկ» հանդիպումը կկայանա դեկտեմբերի 15-ին:
