Հանգստյան օրերին տեղի ունեցան Անգլիայի առաջնության հերթական տուրի հանդիպումները: 16-րդ տուրի կենտրոնական հանդիպումը կայացավ Լոնդոնի «Սթենֆորդ Բրիջ» մարզադաշտում. «Չելսի»-ն ընդունեց «Էվերտոն»-ին և կրկին չկարողացավ հաղթել: Դիդիե Դրոգբայի իրացրած 11-մետրանոցին դիպուկ հարվածով պատասխանեց «Էվերտոն»-ի հարձակվող Ջերմեյն Բեքֆորդը: Սա արդեն 4-րդ անընդմեջ խաղն է, որ ազնվականները չեն կարողանում հաղթել` երկու պարտություն, երկու ոչ ոքի: Կառլո Անչելոտիի սաների սխալից անմիջապես օգտվեց «Արսենալ»-ը` «Կանոնիրներ»-ը Նասրիի դուբլի շնորհիվ 2:1 հաշվով հաղթեցին «Ֆուլհեմ»-ին և մրցաշարային աղյուսակում բարձրացան առաջին հորիզոնական: «Բլեքպուլ»-«Մանչեսթեր Յունայթեդ» հանդիպմը հետածգվել է վատ եղանակային պայմանների պատճառով: «Մանչեսթեր Սիթի»-«Բոլթոն» խաղում 4-րդ րոպեին Տևեսի խփած գոլը միակը եղավ: «Բիրմինհեմ»-«Տոտենհեմ»` 1:1: «Բլեքբերն»-«Վուլվերհեմփթոն»` 3:0: «ՈՒիգան»-«Սթոկ»` 2:2: «Վեսթ Բրոմվիչ»-«Նյուքասլ»` 3:1, դուբլի հեղինակ է դարձել Պիթեր Օդենվինգեն: «Սանդերլենդ»- «Վեսթ Համ»` 1:0: 16-րդ տուրից հետո մրցաշարային աղյուսակի վերին հատվածն ունի հետևյալ տեսքը.
1. «Արսենալ»-35մ.
2. « Մանչեսթեր Յունայթեդ»-31մ.
3. «Չելսի»-30մ.
4. «Մանչեսթեր Սիթի»-29մ.
5. «Տոտենհեմ»-26մ.