Ռուսաստանի ազգային հավաքականի և Մոսկվայի «Դինամոյի» 19-ամյա կիսապաշտպան Արսեն Զախարյանը ձմեռային տրանսֆերային պատուհանի ընթացքում ևս չի տեղափոխվի Լոնդոնի «Չելսի»։ Անցյալ տարվա հայտնի էր դարձել, որ «Չելսին» Արսեն Զախարյանին առաջարկել է 7 տարվա պայմանագիր մոտ 1․5 միլիոն եվրո տարեկան աշխատավարձով։ Ֆուտբոլիստի գործակալ Պավել Անդրեեւը հաստատել էր, որ բանակցությունները գրեթե ավարտված են և մինչև օգոստոսի վերջ գործարքը կկայանա։ «Չելսին» 15 միլիոն եվրո էր առաջարկել Արսեն Զախարյանի տրանսֆերի համար։ Տրանսֆերային պատուհանը փակվեց սեպտեմբերի 1-ին իսկ հայազգի ֆուտբոլիստը ստիպված եղավ ելութները շարունակել Ռուսաստանի Պրեմիեր լիգայում։ Գործարքը չկայացավ այն պարզ պատճառով, որ Ռուսաստանի դեմ սահմանված պատժամիջոցների հետեւանքով տրանսֆերի բանկային փոխանցում հնարավոր չէր եղել իրականացնել։ Այնուհետև տեղեկություն տարածվեց, որ Զախարյանը մտադիր է ստանալ Հայաստանի քաղաքացիություն, որպեսզի կարողանա տեղափոխվել եվրոպական ակումբ։ Այս տարվա սկզբին սակայն հայազգի ֆուտբոլիստը հերքեց այդ տեղեկությունը։ «Քաղաքացիություն փոխել պետք չէ։ Տեսել եմ այդ խոսակցությունները համացանցում։ Պարզապես, ինչ-որ խոսակցություն է, ոչինչ չեմ արել։ Հայաստանի անձնագիր ստանալու մտադրություն հիմա չունեմ»,- «Вышли!» յութուբյան ալիքին տված հարցազրույցում ասել էր Զախարյանը։
Երեկ Զախարյանի հայկական անձնագիր ստանալու և «Չելսի» հնարավոր տեղափոխությանն անդրադարձել է Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը։ «Չգիտեմ թե, որքանով է դա ճիշտ բայց ուրախ կլիներ, որ Զախարյանը հայկական անձնագիր ստանա և խաղա Հայաստանի հավաքականում։ Ուրախ կլինեմ նաև, որ նա տեղափոխվի «Չելսի»։ Կարծում եմ՝ «Զախարյանը» կարող է խաղալ Լոնդոնյան թիմում։ «Չելսին» այժմ գնում է բոլորին, թող ձեռք բերի նաև Արսենի տրանսֆերը»,- Sport24-ին տված հարցազրույցում ասել է Սպերցյանը։ Նշենք, որ վերջին շրջանում «Չելսին» ձեռք է բերել միանգամից 28 նոր ֆուտբոլիստների։ Կարծում ենք պարզ է Զախարյանը այլևս անգլիական ակումբի ուշադրության կենտրոնում չէ։ Ավելին, նախօրեին հայտնի դարձավ, որ Զախարյանի ծառայությունով հետաքրքրված են կարգով անհամեմատ ավելի ցածր թիմեր։ Իսպանական «Սելտան», «Մալյորկան», պորտուգալական «Պորտուն» եւ հունգարական «Ֆերենցվարոշը» փորձել այս ամիս ձեռք բերել Զախարյանի տրանսֆերը։ Ակումբները պատրաստ են եղել վճարել 15 միլիոն եվրո, սակայն հայտնի պատճառով տեղափոխությունը տեղի չի ունենա ձմեռային տրանսֆերային պատուհանի ժամանակ։ Արսեն Զախարյանը մրցաշրջանը կավարտի «Դինամոյում»,- հայտնում է Sport-Express պարբերականը։ Այսօր արդեն կարող ենք արձանագրել, որ Զախարյանի կարիերան մոտ է փակուղում հայտնվելու։
Հայաստանի փոխարեն ընտրելով Ռուսաստանի ազգային հավաքականը, երիտասարդ ֆուտբոլիստը ճակատագրական սխալ թույլ տվեց։ Նույն Սպերցյանն ընտրելով Հայաստանի ազգային հավաքականը մոտ ապագայում կխաղա եվրոպական թոփ ակումբներից մեկում, իսկ Զախարյանը․․․․։ Վերջինս այսօր կարող էր ելույթ ունենալ Անգլիայի Պրեմիեր լիգայում, բայց․․․։ 19-ամյա կիսապաշտպանը գիտակցում է, որ նույնիսկ հայկական անձնագիրը կարող է չփրկել։ Սպերցյանն այսօր փորձում է քաջալերել Զախարյանին, բայց իրականությունն այն է, որ Մոսկվայի «Դինամոյի» ֆուտբոլիստը նույնիսկ հունգարական «Ֆերենցվարոշ» չի կարող տեղափոխվել։ «Իհարկե, ամոթալի էր տրանսֆերի ձախողումը: Դա իմ երազանքն է, որը դեռևս չի կատարվել։ Բայց ժամանակի ընթացքում դադարում ես մտածել այդ մասին: Չստացվեց, բայց պետք է խաղալ, կյանքը շարունակվում է:
Չեմ կարծում, որ ոչ արդյունավետ խաղալս կապված էր տրանսֆերի խափանման հետ։ Միգուցե հոգեբանորեն ծանր էր, բայց ժամանակի ընթացքում հիասթափությունն անցավ, և ես կենտրոնացա խաղի վրա:Ես այժմ ցանկանում եմ տեղափոխվել «Չելսի», չեմ ուզում գնալ «Զենիթ»: Եթե առաջիակում էլ տրանսֆերը «Չելսի» ձախողվի ապա պայմանագիր ունեմ ևս մեկուկես տարվա «Դինամոյի» հետ, երջանիկ եմ ակումբում։ Հիմա էլ ցանկանում եմ տեղափոխվել «Չելսի»»,- «Коммент.Шоу» հաղորդման ժամանակ ասել էր Զախարյանը:
