Աշխարհի հնգակի չեմպիոն Բրազիլիայի հավաքականը ձախողվեց Կարատում ընթացող Մունդիալում։ Հիշեցնենք, որ բրազիլացիները քառորդ եզրափակչում հետխաղային 11 մետրանոց հարվածաշարում զիջեցին աշխարհի գործող փոխչեմպիոն Խորվաթիային։ Առաջնության մեկնարկից առաջ և մրցաշարի ընթացքում բուքմեյքերներն ու մասնագետները բացահայտ ֆավորիտ էին համարում հենց Բրազիլիայի հավաքականին։ Մասնավորապես, մրցաշարից առաջ Բրազիլիայի չեմպիոն դառնալու համար սահմանված էր 5 գործակից։ 1/8-րդ եզրափակչում Հարավային Կորեային հաղթելուց հետո Բրազիլիայի չեմպիոն դառնալու գործակիցն ընդամենը 2․3 էր։ Ավելին, 1/8-րդ եզրափակչից հետո ֆավորիտների շարքում Խորվաթիայի հավաքականը վերջին հորիզոնականում էր։ Զլատկո Դալիչի թիմի մեծ հաղթանակի համար սահմանված էր 50 գործակից։ Սենսացիոն հաղթանակ տանելով խորվաթները ևս մեկ անգամ ապացուցեցին, որ ֆուտբոլն անկախատեսելի է և որևէ վերլուծություն կամ գուշակություն չի կարող ճշգրիտ լինել։
Ամեն դեպքում կիսաեզրափակչին ընդառաջ տեսնենք թե ով է համարվում գլխավոր ֆավորիտը և ում են նախապատվություն տալիս մասնագետները։ Հիշեցնենք, որ վաղը կիսաեզրափակչի առաջին խաղում Խորվաթիան մրցելու է Արգենտինայի հետ, իսկ դեկտեմբերի 14-ին կկայանա Ֆրանսիա-Մարոկկո հանդիպումը։ Եվ այսպես, ըստ բուքմեյքերների չեմպիոնի կոչման հիմնական հավակնորդը ֆրանսիացիներն են։ Այս հավաքականի չեմպիոն դառնալը գնահատված է ընդամենը 2 գործակցով։ Ֆրանսիայի հավաքականի եզրափակիչ դուր գալու գործակիցն էլ 1․25 է։ Նշենք, որ 1/8-րդ եզրափակչից առաջ Ֆրանսիայի չեմպիոն դառնալու գործակիցը 6․5 էր։ Աշխարհի գործող չեմպիոնը կիսաեզրփակչում 2։1 քաշվով առավելության էր հասել Անգլիայի նկատմամբ։ Իսկ քառորդ եզրափակչում ֆրանսիան հայտնվել հայտնվել էր Լեհաստանի նկատմամբ 3։1 հաշվով տարած վստահ հաղթանակի արդյունքում։ Ավելի վաղ Ֆրանսիայի ազգային թիմն առաջին տուրում 4։1 հաշվով Ավստրալիային հաղթելուց հետո, երկրորդ տուրում 2։1 հաշվով առավելության էին հասել Դանիայի նկատմամբ ապահովելով առաջին հորիզոնականը։ Երրորդ տուրում Դիդիե Դեշամի թիմը 0։1 հաշվով պարտվել էր Թունիսին։ Ֆավորիտների հաշվարկում երկրորդ հորիզոնականում Արգնետինայի ազգային թիմին է։ Վերջինիս չեմպիոն դառնալու համար սահմանված է 2․55 գործակից։ Արգենտինացիների եզրափակիչ դուրս գալու գործակիցն էլ 1․37 է։
Փաստորեն, բուքմեյքերների կանխատեսմամբ եզրափակչում մրցելու են Արգենտինայի և Ֆրանսիայի հավաքականները։ Նշենք, որ Խորվաթիայի դեմ մրցավեճում արգենտիացիների խաղի հիմնական ժամանակում հաղթանակը գնահատված է 1․9 գործակցով։ Խմբային փուլի ավարտից հետո Արգենտինայի չեմպիոն դառնալու գործակիցը միայն 6․5 էր։ Քառորդ եզրափակչում Լիոնել Մեսին ու խաղընկերները դրամատիկ պայքարում հետխաղային 11 մետրանոցներով առավելության էին հասել Նիդեռնալդների նկատմամբ։ Նշենք նաև, որ առաջին տուրից հետո Արգենտինայի չեմպիոն դառնալու գործակիցը 9 էր։ Հիշեցնենք, որ առաջին տուրում արգենտինացիները սենսացիոն պարտություն էին կրել, 1։2 հաշվով զիջելով Սաուդյան Արաբիային։ Երկրորդ տուրում Արգենտինան 2։0 հաշվով առավելության էր հասել Մեքսիկայի նկատմամբ, որոշ շափով դուրս գալով ծանր իրավիճակից։ Խմբային փուլի վերջին տուրում Արգենտինան նույն հաշվով հաղթել էր Լեհաստանին և C խմբում զբաղեցրել առաջին հորիզոնականը։
1/8-րդ եզրփակչում Արգենտինան 2։1 հաշվով առավելության էր հասել Ավստրալիայի նկատմամբ։ Ֆավորիտների շարքում Խովարթիան երրորդն է։ Այս հավաքականի չեմպիոն դառնալու գործակիցը 8․5 է։ Մարոկկոյի մեծ հաղթանակի համար սահմանված է 10 գործակից։ Ինչ խոսք ֆուտբոլային աշխարհի զգալի մասը սպասում է Արգենտինա-Ֆրանսիա եզրափակչի, բայց․․․։ Խորվաթիայի և Մարոկկոյի հավաքականները քառորդ եզրափակչում ցույց տվեցին, որ կարող ենք ձեռնոց նետել ցանկացած մրցակցի։ Ավարտին մոտեցող աշխարհի առաջնությունը առանձնանում է նրանով¸որ բացահայտ ֆավորիտներ ըստ էության գոյություն չունեն։
