Ֆուտբոլի Շոտլանդիայի ազգային հավաքականի գլխավոր մարզիչ Սթիվ Քլարկը կոչ է արել երկրպագուներին այսօր երեկոյան գալ Գլազգոյի «Հեմփդեն Պարկ» մարզադաշտ և աջակցել իրենց սիրելի թիմին։ «Այո, հիասթափությունը մեծ է, բայց մենք պետք է երկրպագուներին ետ բերեք մարզադաշտ։ Մենք ուժեղ ենք միասին և միայն համատեղ ուժերով կարող ենք առաջ շարժվել։ 6 օրում երեք հանդիպում ենք անցկացնելու։ Դժվար է բայց պրոֆեսիոնալ կերպով ենք մոտենում իրավիճակին։ Ուկրաինայի հետ հանդիպումն անցյալում է և լիահույս եմ, որ երկրպագուների աջակցությամբ կկարողանանք շարժվել առաջ։ Մենք լավ թիմ ունենք և պարտավոր ենք շարունակել պայքարը»,- ասել է Քլարկը։ Հիշեցնենք, որ հունիսի 1-ին 2022 թվականի աշխարհի առաջնության փլեյ-օֆֆի կիսաեզրափակում Շոտլանդիայի հավաքականը սեփական հարկի տակ 1։3 հաշվով զիջել էր Ուկրաինային, դուր մնալով պայքարից։ Այս պարտությունից հետո Շոտլանդիայում խորը հիասթափություն է։
Շոտլանդական մամուլը գրում է, որ Հայաստանի դեմ հանդիպումը լավ հնարավորություն է հոգեբանական ծանր վիճակը բեկելու համար։ Նշենք, որ Հայաստանի ազգային թիմը այսօրվա խաղին կներկայանա խմբի առաջատարի կարգավիճակով։ Հունիսի 4-ին մեր ազգային թիմը Վազգեն Սարգսյանի անվան «Հանրապետական» մարզադաշտում 1։0 հաշվով առավելության էր հասել Իռլանդիայի նկատմամբ։ «Մրցաշարային դրությունը հիմա կարեւոր չէ։ Իռլանդիայի հետ հանդիպումն արդեն անցյալում է, պատմություն է։ Գիտակցում ենք, որ հանդիպելու ենք շատ ուժեղ հավաքականի հետ, որի ֆուտբոլիստները շատ մրցունակ են, հանդես են գալիս բարձր կարգի ազգային առաջնություններում։ Պետք է լավ հանդես գանք։ Մենք վստահում ենք մեր տղաներին եւ հույս ունենք, որ լավ խաղ կստացվի։ Գիտենք Շոտլանդիայի հավաքականի բոլոր ֆուտբոլիստներին, նրանց խաղամակարդակը։ Կնշեի մրցակցի թիմային խաղը եւ ընդհանուր մրցունակությունը։ Մեր թիմի ապագան բնականաբար երիտասարդներն են՝ Էդուարդ Սպերցյանը, Վահան Բիչախչյանը, Ստյոպա Մկրտչյանը, Արթուր Սերոբյանը»,- նախախաղային մամուլի ասուլիսի ժամանակ ասել է Հայաստանի ազգային հավաքականի գլխավոր մարզիչ Խոակին Կապառոսը։ Իռլանդիայի դեմ մրցավեճում իսպանացի մասնագետին հաջողվեց տակտիկապես գերազանցել մրցակցին։ Ի՞նչ անակնկալ է պատրաստել Կապառոսը այսօրվա մրցավեճում։ Սթիվ Քլարկը խաղը կառուցում է ոչ այնքան ստանդարտ 3-4-2-1 կամ 3-4-1-2 դասավորությամբ։ Ավելի թույլ մրցակիցների դեմ մրցավեճերում Քլարկը պայքարկում է 3-4-1-2 սխեմայով՝ այսինքն երկու կենտրոնական հարձակվողներով։ Ուկրաինայի դեմ մրցավեճում Քլարկը ևս պայքարեց երկու հարձկավողներով, սակայն նրանցից Լինդոն Դիքեսը վնասվածք ստանալով փոխարինվել էր։ Այս ֆուտբոլիստը չի մասնակցի այսօրվա հանդիպմանը։ Այնուամենայնիվ հավանականությունը մեծ է, որ Շոտլանդիայի հավաքականը այսօր կպայքարի ընդգծված հարձակվողական 3-4-1-2 դասավորությամբ։ Ինչ է իրենից ներկայացնում խաղային այս սխեման։ Այս դասավորության հիմաքում ընդգծված խաղն է դաշտի եզրերով։ Մասնավորապես շեշտը դնելով արագ «վինգերների» վրա շոտլանդացիները գրոհները սովորաբար զարգացնում են եզրերով, գնդակ մատակարարելով կենտրոնում հերթապահող հարձակվողներին։
Նշենք, որ Իռլանդիայի և Շոտլանդիայի հավաքականները խաղաոճով բավական մոտ են։ Իռլանդացիների դեմ Կապառոսը 5-3-2 սխեմայով։ Այս մարտավարությամբ Հայաստանի հավաքականն առաջին անգամ խաղաց իսպանացի մասնագետի գլխավորությամբ։ Խտացնելով պաշտպանական գիծը Կապառոսը փակել էր տարածությունն արագաշարժ կիսապաշտանների և հարձակվողների համար։ Հաշվի առնելով Շոտլանդիայի և Իռլանդիայի հավաքականների նմանությունը կարծում ենք այսօր ևս Կապառոսը կպայքարի 5 պաշտպանով դավանելով պաշտպանողական ֆուտբոլ։
Ամուր կենտրոնը և խիտ պաշտպանությունը բրիտանական խաղաոճ ունեցող թիմերին արգելակելու թերևս լավագույն միջոցն է։ խաղային այս զենքը Կապառոսը հաջոությամ կիրառեց Երևանում։ Լիահույս ենք, որ Կապառոսի մարտավարությունն արդյունավետ
